Дорноговь аймгийн Зүүнбаян дахь Зэвсэгт хүчний 336 дугаар ангийн захирагч, хурандаа З.Баянмөнх өнгөрсөн долоо хоногт албаны дарга, хошууч Т.Энх-Амарыг хутгалж гэмтээсэн талаар хэвлэлүүд онцолж эхэллээ.

Хэрэг явдал тус ангийн нэг даргынх нь эхнэрийн төрсөн өдрийг тэмдэглэж байснаас үүдэлтэй гэнэ.   Тухайн үед тус ангийн зарим удирдлагууд архидан согтуурч хоорондоо маргалдаж, сүүлдээ даамжирч нэгнээ хутгалсан бололтой. Уг нь хэрэг явдлыг нууцалж байсан ч хутгалуулсан хошуучийн биеийн байдал муудаж Улаанбаатарт ирж эмнэлэгт хэвтэх шаардлагатай болсон бөгөөд энэ үеэр хэрэг явдал ил болжээ.

Гэвч Батлан хамгаалах яам, ЗХЖШ-ын удирдлагууд тэр дундаа өчигдөрхөн ЗХЖШ-ын дарга болсон генерал Д.Даваа  нар уг хэргийг нууцлахыг үүрэгдсэн гэдгийг эх сурвалж мэдээлж байна.  Учир нь генерал Д.Даваа З.Баянмөнхтэй ихэд дотно аж.

З.Баянмөнхийн хувьд нэг бус удаа асуудал үүсгэж байсныг эх сурвалжууд хэлж байна.  Үүгээр зогсохгүй зэвсэгт хүчнээс хөөгдөх дээрээ тулж байсан ч ЗХЖШ-ийн шинэхэн дарга Д.Даваа хамгаалж авч үлдэж байсан гэнэ.

Д.Дуулим