"Амт трейд" ХХК-ийн захирал Ч.Атаахүү "Стандарт мах" ХХК-ийн захирал асан Р.Ууганбаатарт их хэмжээний мөнгө залилуулсан талаараа өчигдөр мэдээллээ.  Р.Ууганбаатарын хувьд түүнд мах борлуулах сүлжээ дэлгүүр нээж, хатаасан мах экспортлон ашиг хүртэх зорилгоор хамтарч ажиллах санал тавьснаар тэд хөрөнгө оруулалтын гэрээ байгуулсан аж. Гэрээний дагуу Ч.Атаахүү 2013 оны нэгдүгээр сарын 28-нд Р.Ууганбаатарт 245 сая төгрөг бэлнээр өгсөн юм байна. Улмаар гэрээнд тусгасан ажлаа хэрэгжүүлэхгүй болохоор нь оруулсан хөрөнгөө буцааж авах гэтэл хөрөнгө оруулсан л бол буцааж авах боломжгүй мэтийн зүйл ярьж, өгөхгүй байгаа аж.  Ч.Атаахүүгийн хувьд цагдаагийн байгууллагад гомдол гаргаж шалгуулсан ч прокурорын зүгээс уг хэрэгт эрүүгийн хэрэг үүсгэхээс татгалзжээ. Гэвч Дүүргийн I прокурорын газраас гэмт хэргийн шинжтэй хэмээн эрүүгийн хэрэг үүсгэсэн боловч хэргийг хэрэгсэхгүй болгожээ.

Д.Дуулим