Монгол хэлэнд гадаад үндэстэй, харь үгнээс гаралтай нэр олон бий. Үүний адилаар монгол үндэстэй, монгол үг ч гадныхны үгийн санд цөөнгүй байдаг аж. Бид энэ дугаартаа дэлхийн хаа нэгтээ манай Улаанбаатар, Дархан хотуудтай амьдаа нэртэй газар, эд бараа байдаг болов уу гэсэн асуултын хариуг олохоор бяцхан эрэл хийлээ.
    Монгол хэлэнд гадаад үндэстэй, харь үгнээс гаралтай нэр олон бий. Үүний адилаар монгол үндэстэй, монгол үг ч гадныхны үгийн санд цөөнгүй байдаг аж. Бид энэ дугаартаа дэлхийн хаа нэгтээ манай Улаанбаатар, Дархан хотуудтай амьдаа нэртэй газар, эд бараа байдаг болов уу гэсэн асуултын хариуг олохоор бяцхан эрэл хийлээ.

АМЕРИК ДАХЬ УЛААНБААТАР

    Алс холын Америк гэж ярьдаг байсан цаг аль хэдийн өнгөрчээ. Америкт одоо Монголын улсын нийслэлийн нэрээр нэрлэгдсэн хоёр ч газар бий болжээ. Энэ жил Коларадо мужийн Денвер хотод хоёр орны диплоиат харилцааг бататгаж “Улаанбаатар” нэртэй цэцэрлэгт хүрээлэн байгуулжээ. Уг цэцэрлэгийг 2 сая доллараар тохижуулсан бөгөөд Америкт амьдарч буй монгол уран барималчаар мөн л “Улаанбаатар” нэртэй баримал бариулжээ. Харин сонирхуулж хэлэхэд манайд ч бас АНУ-ын элчин сайдын яамны өмнө нь Денвер нэртэй гудамж байдаг юм байна.

Францын Рок хэмнэл "Ulan Bator"

    Францад пост рок чиглэлээр дуулдаг “Ulan Bator” гэдэг манай нийслэлийн нэрээр нэрлэгдсэн хамтлаг байдаг тухай өмнө нь сонсож байсан уу? 1993 онд Эмаури Камбузат, Оливер Манчоун нарын анх үүсгэн байгуулсан энэ хамтлаг биднийг мэдээ ч үгүй байхад аль хэдийн 8 цомог гаргаад амжжээ. Тэд 1995 онд гаргасан анхны цомгоо хүртэл “Ulan Bator” гэж нэрлэжээ. Энэ цомог нь тухайн үед ашиг орлогоороо ч нилээд дээгүүрт жагсаж байж. Хөгжмийн ертөнцийнхөн тэднийг Францын рок хөгжмийн урсгалд шинэчлэлт хийж чадсан хэмээн өндрөөр үнэлдэг юм билээ. Тэд 2007 онд гаргасан хамгийн сүүлийн цомогтоо мөн л “Ulaanbaatar” гэсэн нэр өгчээ.
 
ДАРХАН зөвхөн ДАРХАНД байдаг уу?
 
Монгол улсын хоёр дахь том хот болох Дархан хотын анхны суурийг тухайн үеийн Давхрын төмөр замын өртөө, барилгын түүхий эдийн ордуудыг түшиглэн 1961 оны 10-р сарын 17-ны өдөр тавьсан юм. Харин 1994 онд УИХ-ын тогтоолоор Дархан хотыг Дархан-Уул аймаг болгон өөрчилсөн. Дархан хотыг хуучнаар Зөвлөлт Холбоот улс, Болгар, Польш, Унгар, Чехословак, Герман зэрэг улсуудын техник, эдийн засгийн хамтын ажиллагааны тусламжтайгаар байгуулсан гэдэг. Энэ ч утгаараа Дархан хотыг “Найрамдлын хот” хэмээн нэрлэсэн түүхтэй.

Узбекийн нийслэлийн хамгийн тансаг дүүрэг-Дархан

Амтат пловоороо алдартай Узбекстан улсын нийслэл нарлаг Ташкентад Дархан нэртэй дүүрэг байдаг аж. Тус хотын хамгийн тохилог, сайхан орчинтой нь энэ Дархан дүүрэг гэнэ.

ДАРХАН-КИРГИЗИЙН шилдэг оргилуун дарс

Киргизэд үйлдзвэрлэсэн энэ дарс 2004 онд Казахстаны Алматы хотод болсон “ЗПуег зрпп^” олон улсын реклам сурталчилгааны их наадмаас “Оны шилдэг шошго” номинацийн шагнал хүртжээ.

“ДАРХАН” ДЭЛГУҮРТ “ХАРАА” ЗАРДАГГҮЙ

Казахстанд ч бас Дархан гэдэг дэлгүүр бий. Харин дэлгүүрийн лангуун дээр юу байна гээч? “Дархан” шар айраг. /Энэ бол реклам биш./