УИХ-ын Хууль зүйн байнгын хорооны хуралдаанаар Өршөөлийн хуульд тавьсан Ерөнхийлөгчийн хоригийг хэлэлцэж байгаа юм. Энэ үеэр Авлигатай тэмцэх газрын холбогдох албан тушаалтан "УИХ-ын гишүүн Л.Болд, Ё.Отгонбаяр нарт холбогдох хэргийг жил зургаан сарын өмнө прокурорт хянаж үзээд хэрэгсэхгүй болгосон" талаар онцолжээ.

Ё.Отгонбаяр гишүүний асуудал нэлээн эрт сөхөгдөж тухайн үед багагүй шуугиан тарьж байсан ч тэгсхийгээд намжсан. Харин Л.Болд гишүүн Батлан хамгаалахын сайдаар ажиллаж байхдаа асуудалд орооцолдоод авсан ч гэмт хэргийн бүрэлдэхүүнгүй зүйл учир хэрэгсэхгүй болгожэ. Юутай ч  энэ бүхнээс болж АТГ-ын үйл ажиллагаанд бухимдах иргэд эрс нэмэгдэж байна. Хэрэг хийлээ гэж зарласан хэрнээ хэрэгсэхгүй болгосон асуудлыг нам дардаг байдал хэрээс хэтэрч байгаа хэмээн зарим түшээдүүд ч шүүмжилж байна.

Д.Дуулим