Ерөнхий сайд асан Н.Алтанхуягийн ахлах зөвлөхөөр ажиллаж байсан Л.Гансүхийг “Нүүрс” хөтөлбөрийн хүрээнд хувьдаа мөнгө завшсан хэрэгт буруутгасан. Түүнийг шүүх хурал яг одоо Чингэлтэй, Сүхбаатар, Баянзүрх дүүргийн эрүүгийн хэргийн анхан шатны шүүхийн танхимд  болж байна.

Өглөө 10 цагт эхэлсэн шүүх хурал хойшлуулах үргэжлүүлэх эсэх асуудлыг хэлэлцсэнээр шүүх хурлыг үргэжлүүлэх шийдвэрийг шүүгчид гаргасан.

Л.Гансүх өмгөөлөгч н.Цэрэнжавтай хамт шүүх хуралд оролцохыг хүссэн ч шүүгчид өөр өмгөөлөгчид байгаа нь хангалттай хэмээн үргэжлүүлэхээр болсон. Гэтэл Л.Гансүх нарын шүүгдэгч талын өмгөөлөгч нар иргэд шударга шүүхээр шшүлгэх эрхтэй тиймээс Баянзүрх дүүргийн эрүүгийн хэргийн анхан шатны шүүхийн шүүгчдээр хурлыг шүүлгэхгүй өөр шүүгч нараар шүүлгэх хүсэлт гаргалаа.

Тэрээр “Шударга шүүхээр шүүлгэх эрх иргэнд бий. Шүүгчдийн дунд АТГ-т хар тамхины хэргээр шалгагдаж буй прокурор Тамирын ах байгаа тул эрх ашгийн зөрчилтэй хэмээн үзэж байна. Тиймээс өөр шүүгчдээр хэргийг шүүлгэхийг хүсье” гэв.

Энэ хүсэлтийг хэлэлцэхээр шүүх хурал түр завсарлаад байна.

Б.Батчимэг