Сод монгол" группийн Ерөнхий захирал Ц.Анандбазарын хүү 17 настай Ц нь  2013 оны наймдугаар сарын 7-ны лхагва гаригийн 23.00 цагийн үед бусдын гарт амиа алдсан. Хэргийг дахин сөхвөл Ц.Анандбазарын хүү Ц нь тухайн үед Бага тэнгэрийн аманд тав, зургаан хүний хамт байсан бөгөөд хоорондоо наймаа хийн улмаар үнэ тохиролцоогүйгээс маргалдсан байдаг. Ингээд хамт явсан залуусийн нэг нь Ц-гийн цээж болон хэвлийн тус газар нь хутгалж, амийг нь егүүтгэсэн юм. Тэгвэл хэргийг Баянзүрх дүүргийн цагдаагийн хэлтэст шалгаад анхан шатны шүүх хурал энэ оны нэгдүгээр сард болсон ч хэргийн мөрдөн байцаалт дутуу хийгдсэн гэж үзэн нэмэлт мөрдөн байцаалтад буцааж байсан юм.

Өчигдөр Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд тус хэргийг шүүх хурал хаалттай болсон байна. Учир нь насанд хүрээгүй байхдаа бусдын амь насыг шунахайн сэдэлтээр, онц харгис хэрцгий аргаар хөнөөсөн хэрэг учир ийнхүү хаалттай болжээ. Ингээд 20 цагийн орчимд анхан шатны шүүхийн шийдвэр гарч н.Батнямд цаазаар авах ял, мөн хоёр залууг чанга дэглэмтэй хорих ангид ял эдлүүлэх шийдвэр гарсан байна.

Албан бус эх сурвалжийн мэдээлэлд дээрх хэрэгт холбогдсон залуус чинээлэг айлын хөвгүүд гэдэг.