Дорнод аймгийн Хэрлэн сумын засаг дарга П.Мөнхтөр гэр бүлийн бат бөх байдлыг хадгалах зорилгоор дараах захирамжийг гаргасан байна. Тодруулбал, энэхүү захирамжинд Хэрлэн сумын иргэд гэр бүл болж байгаа бол "Хамтын хариуцлагын гэрээ" гэгчийг хийх ёстой гэж. Бүр энэхүү гэрээг баталгаажуулах сумын нотариатчдыг гаргаж өгсөн байна.

Тэгэхээр "Хамтын хариуцлагын гэрээ" гэдэг нь эхнэр нөхрийн ариун ёсоос эхлээд гэр бүл салахад баримтлах зарчмыг хүртэл багтаах аж.

Сумын засаг даргын зүгээс захирамжийн биелэлтийг хангуулах албан тушаалтныг ч томилсон байна.

Энэхүү албан бичиг нийгмийн сүлжээнд цацагдсанаар Хэрлэн сумыг Монголын хамгийн анхны ариун журамт сум боллоо хэмээн бичиж, магтах, егөөдөх, буруутгах байр суурь олноор гарч байгаа юм.

Г.Үжин