“Авлигын эсрэг хамтдаа” арга хэмжээг Авлигатай тэмцэх газар 14 хоног тутамд олон нийтэд зориулж мэдээлэл хийж байгаа юм. Тус арга хэмжээний ээлжит зөвлөгөөн өнөөдөр 11.00 цагт “Чингэс хаан” зочид буудалд илүү өргөн цар хүрээг хамарч явагдахаар болжээ. Арга хэмжээнд АТГ-ын Урьдчилан сэргийлэх, соён гэгээрүүлэх хэлтэс, Хяналт шалгалт, дүн шинжилгээний хэлтэс, Мөрдөн шалгах хэлтэс, Судалгаа шинжилгээний албаны ажилтнууд оролцож, хариуцсан чиг үүргийн талаар танилцуулан сурталчлах юм.Түүнчлэн албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлэг мөн сонгуульд нэр дэвшигчийн хөрөнгө, орлогын мэдүүлгийг хэрхэн бөглөх талаар зөвлөгөө өгч, нийтийн албанд нэр дэвшигчдийн хувийн ашиг сонирхлын урьдчилсан мэдүүлэг зэргийг өгөх аж. Эцэст нь хэлэхэд, аливаа албан тушаалтан, албан газрын зөрчилын талаарх мэдээлэл хүлээн авах гэнэ шүү.
