Өнөөдөр болох үйл явдлыг танилцуулж байна.
10.00 цагт: Нийслэлийн Төр захиргааны Хангарди ордны 14 давхрын хурлын зааланд газар эзэмших, ашиглах эрхийн дуудлага худалдааг нээлттэй явуулна.
11.00 цагт: Монгол Улс, Бүгд Найрамдах Энэтхэг Улсын хооронд дипломат харилцаа тогтоосны 60 жилийн ойд зориулсан “Оюутны эрдэм шинжилгээний бага хурал” Гадаад хэргийн яамны “Зөвшилцөл” танхимд зохион байгуулагдана.
12.00 цагт: Монголын Маркетингийн Холбооноос орчуулан гаргасан Филип Котлерын "Маркетингийн Удирдлага" номны нээлтийн үйл ажиллагаа ИНТЕРНОМ Номын Дэлгүүрийн 2 давхарт болно.
12.00 цагт: Ардчилсан намын гишүүд дэмжигчдийн холбооноос 2016 оны УИХ-ын сонгуульд нэр дэвшүүлж болохгүй улс төрчдийг нэрлэх хэвлэлийн хурал "Монгол Ньюс" Мэдээллийн төвд болно.
12.00 цагт: Дэлхий дахинаа "Бүх нийтийн хүртээмжийг хангаж, чадаврийг дээшлүүлье” уриан дор тэмдэглэж байгаа Хөгжлийн бэрхшээлтэй хүмүүсийн эрхийг хамгаалах олон улсын өдөртэй холбоглуулан Хүн амын хөгжил, нийгмийн хамгааллын яамнаас Хэвлэлийн бага хурал зарлаж байна. Хэвлэлийн бага хурал Хүн амын хөгжил, нийгмийн хамгааллын яамны 10 давхрын хурлын танхимд болно.
12.00 цагт: "Marque 27" клубт "Киви" хамтлагийн дуучин Укагийн "11/6" шинэ цомог болон цомгийн баярын тухай хэвлэлийн бага хурал болно.
13.00 цагт: Улсын Драмын Эрдмийн Театраас жил болгон уламжлал болон зохион байгуулдаг "Бид мартахгүй" дурсамж хүндэтгэлийн үйл ажиллагааны хүрээнд “Алтан тайзны эзэд – Бид мартахгүй” үзэсгэлэнгийн нээлт Театрын музейд болно.
14.00 цагт: Улсын Драмын Эрдмийн Театраас жил болгон уламжлал болон зохион байгуулдаг "Бид мартахгүй" дурсамж хүндэтгэлийн үйл ажиллагааны хүрээнд Эрдэм шинжилгээний бага хурал Улсын Хүүхэлдэйн Театрт болно.
15.00 цагт: БНКазУ-ын Ерөнхийлөгч Н.Назарбаевын энэ оны 11-р сарын 30-нд Казахстаны ард түмэнд хандаж хэлсэн үгийн талаар БНКазУ-аас Монгол Улсад суугаа Элчин сайд Калыбек Кобландины зарласан хэвлэлийн бага хурал тус Элчин сайдын яаманд болно.
18.30 цагт: Залуу уран бүтээлч Эрдэнэбаярын Жанцанхоролын анхны бие даасан үзэсгэлэн Занабазарын нэрэмжит Дүрслэх урлагийн музейд нээлтээ хийнэ.
