“Ирвэс хамгаалах сан”-гийн биологич Т.Лхагвасүмбэрэлийн амиа алдсан хэргийн талаар өчигдөр ЦЕГ-аас мэдээлэл хийсэн. ЦЕГ-аас мэдэгдэж буйгаар Т.Лхагвасүмбэрэл нь согтолтын улмаас живж нас барсан гэж буй. Мөн талийгаач нь өмнө нь хэд, хэдэн удаа халдлагад өртөж байсан гэх боловч тухайн үедээ цагдаагийн газарт огт хандаж байгаагүйгээс гадна эд мөрийн баримтаар олдсон утсан дээрх бичлэгийг өөрөө хийсэн гэх мэдээллийг өгсөн юм.

Тэгвэл энэ талаар УИХ-ын гишүүн Ц.Оюунгэрэл өөрийн цахим хаягтаа "Живж үхэх, живүүлж алах хоёуланд нь задлан шинжилгээ адил гарна. Хоёрдугаар хувилбар магадлалтайг бас хэлсэн бол цагдаа нөлөөнд автаагүйгээ нотлох байлаа" гэж бичжээ.

Тэрбээр уг хэрэгт анхаарал хандуулан ажиллаж байгаа гишүүдийн нэг билээ. УИХ-ын гишүүн Ц.Оюунгэрэл өмнө нь байгаль хамгаалагчийн гэр бүлд эмгэнэл илэрхийлээд уг хэргийн үнэн, мөнгийг олох ёстой гэж ярьж байсан.

Т.Хулан