Цагдаагийн албан хаагчид нийслэл хотод мөрийтэй тоглоомын үйл ажиллагаа эрхэлж байсан нэр бүхий хэд хэдэн газрын үйл ажиллагааг таслан зогсоожээ.

Тухайлбал, БГД-ийн 19-р хороо “Армон Жоли” ХХК-ны байранд мөрийтэй тоглоомын газар ажиллаж байна” гэх мэдээллийг цагдаагийн байгууллага авч шалгасан байна. Шалгалтын үеэр СХД-ийн 17-р хороонд суух 52 настай эмэгтэй Б-ийн нэр дээр бүртгэлтэй автомат тоглоомын газрыг ажиллуулж байсан байна. Хэргийг БГД-ийн цагдаагийн нэгдүгээр хэлтэс  шалгаж байна. 

Мөн БЗД-ийн 5-р хороо  “Хаан бургер” үйлчилгээний төвийн 2-р давхарт мөрийтэй тоглоом тоглуулаад байна” гэсэн мэдээллийг авч шалгахад,  БЗД-ийн 14-р хороонд суух 27 настай эрэгтэй Б нь хууль бусаар мөрийтэй тоглоом тоглуулж байсныг илрүүлэн БЗД-ийн цагдаагийн хоёрдугаар хэлтэс шалгаж байна.

Түүнчлэн, БЗД-ийн 1-р хороо “Жүр Мандал” автомат тоглоомын газар мөрийтэй тоглоом тоглуулаад байна” гэсэн мэдээллийг шалгахад,  БЗД-ийн 1-р  хороонд суух 57 настай эрэгтэй Н  нь хууль бусаар мөрийтэй тоглоом тоглуулж байсныг илрүүлэн БЗД-ийн цагдаагийн хоёрдугаар хэлтэс  шалгаж байна.

Ийн цагдаагийн алба хаагчид нэгдсэн арга хэмжээн хүрээнд хэд хэдэн мөрийтэй тоглоом эрхэлдэг газрууд хийгээд холбогдох хүмүүсийг таслан зосгоож мөрдөн байцаалтын ажиллагааг явуулж эхэллээ.

БЗД-ийн 18-р хороонд л гэхэд “Мичид төвийн 3 давхарт мөрийтэй тоглоом тоглуулаад байна” гэсэн мэдээллийг   шалгахад, Дорноговь аймаг Сайншанд суманд суух 47 настай эмэгтэй А  нь хууль бусаар мөрийтэй тоглоом тоглуулж байсныг илрүүлэн БЗД-ийн цагдаагийн хоёрдугаар хэлтэс шалгаж байна.

Харин ХУД-ийн 1-р хороонд “Нархан хотхоны тоглоомын газарт мөрийтэй тоглоод байна” гэх мэдээллийг цагдаагийн алба хаагчид шалгахад, БГД-ийн 6-р  хороонд суух 32 настай, эрэгтэй Ц гэгч хууль бусаар мөрийтэй тоглоом тоглуулж байсныг илрүүлэн ХУД-ийн цагдаагийн нэгдүгээр хэлтэс шалгаж байна.

Үүгээр зогсохгүй ХУД-ийн 11-р хороонд  “Оргил стар хотхоны тоглоомын газарт мөрийтэй тоглоод байна” гэх мэдээллийг шалгахад, ХУД-ийн 15-р  хороонд суух 42 настай эрэгтэй Н  нь зөвшөөрөлгүй хууль бусаар мөрийтэй тоглоом тоглуулж байсныг илрүүлэн ХУД-ийн цагдаагийн нэгдүгээр хэлтэс шалгаж байна.

Хамгийн сүүлд ЧД-ийн 2-р хороо  “Хан-Хөхий” хоолны газрын 3-р давхарт байрлах Автомат тоглоомын газар мөрийтэй тоглоод байна” гэсэн мэдээллийг авч шалгахад, тус тоглоомын газрыг түрээслэгч ажилтай БЗД-ийн 26-р хороонд суух 29 настай эрэгтэй А нь хууль бусаар мөрийтэй тоглоом тоглуулж байсныг илрүүлэн ЧД-ийн цагдаагийн нэгдүгээр хэлтэс шалгаж байна.

Эрүүгийн хуулийн 243.1.Хуулиар хориглосон мөрийтэй тоглоом /казино/ тоглосон, түүнийг зохион байгуулсан бол хөдөлмөрийн хөлсний доод хэмжээг таваас тавь дахин нэмэгдүүлсэнтэй тэнцэх хэмжээний төгрөгөөр торгох, эсхүл нэгээс гурван сар хүртэл хугацаагаар баривчлах ял шийтгэнэ хэмээн заасан байдаг.

Мөн  243.2-т энэ хэргийг давтан үйлдсэн бол эд хөрөнгийг хурааж хөдөлмөрийн хөлсний доод хэмжээг тавин нэгээс хоёр зуун тавь дахин нэмэгдүүлсэнтэй тэнцэх хэмжээний төгрөгөөр торгох, гурваас дээш зургаан сар хүртэл хугацаагаар баривчлах, эсхүл хоёр жил хүртэл хугацаагаар хорих ял шийтгэнэ гэж тусгасан байдаг билээ.

Д.Ундрах /24tsag.mn/