Ерөнхий сайд Ж.Эрдэнбат болон Сангийн сайд Б.Чойжилсүрэн нар өчигдөр мэдээлэл хийхдээ төрийн албан хаагчдын цалинг бууруулж төсөвт хэмнэлт хийнэ гэдгээ мэдэгдсэн.

Энэ тухай Сангийн сайд Б.Чойжилсүрэн, "Засгийн газрын зүгээс иргэдийг аль болох ажилтай байлгахыг хичээнэ. Эдийн засаг хүндэрсэн үед иргэд ажилгүй болох тусам хүнд дарамт үүсдэг.

Тиймээс иргэдээ ажилтай байлгаж, тодорхой салбарууд дээр цалин бууруулах арга хэмжээг хийхээс өөр аргагүй байна. Цалингийн түвшин бага төрийн албан хаагчид дээр бууралт хийхгүй гэсэн бодлого баримталж байгаа" хэмээсэн юм. Тэгвэл өнөөдөр Сангийн яамны төсвийн бодлогын газрын дарга Ж.Ганбат Ерөнхийлөгч, Ерөнхий сайд, Улсын их хурлын гишүүдийн цалинг 30 хувь бууруулахаар болсон тухай мэдэгдлээ.