Соёлын гавьяат зүтгэлтэн, сэтгүүлч Б.Ганчимэг Монцамэ агентлагын даргаар томилогдсон билээ. Тэгвэл өчигдөр буюу энэ сарын 20-нд Монцамэ агентлагийн дарга асан Баатархуяг тамга тэмдгээ албан ёсоор хүлээлгэж өглөө. Тэрбээр Монцамэ агентлагийн 15 дахь дарга болж буй юм.
Б.Ганчимэг нь Монгол Улсын мэдээллийн агентлагийн анхдагч хоёрдахь эмэгтэй удирдлага болж байна. Тэрбээр 1971 оны 1 дүгээр сарын 6 нд Булган аймгийн Дашинчилэн суманд төрсөн бөгөөд аав Бадамдорж нь холбооны инженер, ээж Бямбажав нь холбооны техникч мэргэжилтэй, монголын харилцаа холбооны салбарт бүх насаараа зүтгэсэн хүндэт холбоочин улсууд аж.
1988 онд Булган аймгийн П.Е.Щетинкиний нэрэмжит 10 жилийн дунд сургуулийг, 1997 онд Улсын Багшийн Их Сургуулийг сэтгүүлч, утга зохиолын ажилтан мэргэжлээр тус тус дүүргэсэн. Харин сэтгүүлзүйн анхны гараагаа 1996 оноос төрийн төв хэвлэл “Ардын эрх” –д эхлүүлсэн юм. Түүнийг "ярилцлагын хатан хаан" гэдгээр сэтгүүлчид андахгүй.
Б.Цэцэг
Сэтгэгдэл (7)