УИХ-ын чуулганы нэгдсэн хуралдаанаар  Монгол Улсын Засгийн газар Бүгд найрамдах Австри улсын Засгийн газар хоорондын санхүүгийн хамтын ажиллагааны хэлэлцээрийн тухай хэлэлцэж байна.

Нийт 40 сая еврогийн санхүүгийн хамтын ажиллагааны хэлэлцээрийг 2016 оны зургадугаар сарын 10-нд хоёр улсын Засгийн газар байгуулжээ. Энэхүү зээл нь нэн хөнгөлөлттэй нөхцөлд хамаарах бөгөөд 18 жилийн хугацаатай, зээлийн үндсэн төлбөрөөс чөлөөлөгдөх хугацаа 5 жил юм байна.

Энэхүү хөнгөлөлттэй зээлийг дэд бүтэц, орон нутгийн ус, эрүүл ахуй, хог хаягдал, бохир ус, замын хөдөлгөөний аюулгүй байдал, төмөр зам, боловсрол, техник, мэргэжлийн сургалт, эрүүл мэнд, нийгмийн хамгааллын салбарын төслүүдийг санхүүжүүлэхэд зарцуулна гэдгийг хуралдаанд оролцож байгаа гишүүд хэлэв. Энэ үеэр гишүүд өөр өөрсдийн байр суурийг илэрхийлж асуулга асуулаа.

“ Энэ төслийг дэмжиж байна. Хүүгүй зээлийг дэмжиж байга. Маргаашийн өөхнөөс өнөөдрийн уушиг гэдэг шиг. Алсдаа энэ бол өр нь өр. Зайлшгүй авах ёстой зээл. Чадавхийг дээшлүүлэх зүйл. Явж явж Төрийн нэг эрдэнэ түшмэл байдаг. Төсөл болгон дотор чадавхи дээшлүүлнэ гэсэн үг явдаг.

Үүнд төслийн зардлыг оруулна. Өнгөрсөн хугацаанд энэ чадавхийг сайжруулсан боловсон хүчнүүд солигдоод халагдаад явдаг. Өнөөдөр яамдын чадавхи ямар байна вэ. Олон дахин солигдсоноор орон гаран ой санамжтай болж байна.

Төсөл хөтөлбөр байдаг юмуу. Хотын дүрэм хийнэ гэхэд 900 сая гаруй төгрөг зарцуулсан. Гайхаад байгаа юм. Иймэрхүү байдлаар төсөл хөтөлбөрүүд яваад байдаг. Үүн дээрээ анхаараач Чойжилсүрэн сайдаа. Чадавхижуулсан юм бол тогтвортой болгоо.

“Энэ гадаадын зээлтэй бүх яамд байгаа. Энэ жил 774 тэрбум төгрөгийн төсөв хэрэгжинэ. Уялдаа нь хэр байна вэ. Маш олон төслүүд байдаг. Австрийн зээлийн тухайд сэргээгдэх эрчим хүчний тухай ярьмаар байна.

2012 онд хэрэгжсэн шиг бодож үзээрэй. Сангийн яаманд хэлэхэд энэ төслөө орон нутаг аймгуудад хүргүүл. Төслөөс санхүүжилт авах боломж байгаа шүү. Аймаг суманд мэдээлэл очихгүй байна. Яамыг дагасан хүмүүс л зээлд хамрагдаад байдаг. Экспортыг дэмжье гэж байгаа бол боомтод анхаарлаа хандуул.

Боомтынхоо хөгжилд анхаарлаа хандуулахгүй бол болохгүй шүү. 774 орчим зээлийн төслийн тухай ангилж үзээд юу юунд хэрэгтэй гэдгийг нь ангилж үзмээр байна. Тэгэхгүй бол зарим орон нутаг гээгддэг. Төслийн хөрөнгө оруулалттай холбоотой зардлаа хэн хаана явуулдаг юм бэ"

“Ирэх онуудад гадаадын зээлийг нэмэгдүүлэх талаар ярьж байна. Малын индексжүүлсэн даатгалдаа анхаарлаа хандуулмаар байна.  Бодит эдийн засгийн үр өгөөжийг хэрхэн тооцоолж байна вэ. Австрийн зээлийг дэмжиж байна. Зээлийн хүрээнд Эдийн засгийн үр өгөөжийг сайжруулах хэрэгтэй.

Өөр бусад зээлүүдийн хувь заяа  юу болж байна вэ, Тухайлбал, Польшийн 60 сая зээл яригдаж байна. 2014 онд Си Зинь Пин Манай улсад айлчлахдаа 1 тэрбум төгрөгийн зээл яригдсан. Бас Энэтхэг улсаас 1 тэрбум гаруй төгрөгийн зээлийг ярьсан.  Эдгээр зээл ямар хугацаанд яригдаж байна вэ"

"Хөнгөлөлттэй зээлийн үр өгөөжийг тооцох тал дээр яригдаад явж байна. Өмнөх зээлүүд ихэнх нь харилцаа холбоо эрчим хүч гэх зэрэг дэд бүтэц, нийгмийг хамарсан.  Цаашдаа эдийн засагт шууд үр өгөөжөө өгөх тал дээр анхаарч ажиллаж байгаа. Манай улс  бага буурай орноос дундаж руу орж байгаа учраас хөнгөлөлттэй зээл багасаж байна.

Өрийн удирдлагын тухай хуульд маш сайн хуульчилж үзсэн. Энэтхэгийн  зээлийн тухай хуульд удахгүй УИХ-аар яригдна. Хятадын зээл яригдна. Польшийн зээл яригдаж байгаа тус улстай  хэлэлцээр хийгээд явж байна. Австри улсаас авах 40 сая зээлийг тус улс зөвшөөрсөн"  гэлээ. УИХ-ын чуулган үргэлжилж байна.