Өнгөрөгч долоо хоногт болж өнгөрсөн онцлох үйл явдлуудыг тоймлон хүргэж байна.

Тухайлбал, Ерөнхийлөгч Ц.Элбэгдоржийг огцруулах асуудал хөндөгдсөн бол “Хар сарнай” хамтлагийн дуучин С.Амараатай холбоотой асуудал олны анхаарлын төвд байв.

Мөн энэ сарын 6-нд болсон АН-ын Их хурал хүлээлт үүссэн зэрэг онцлох үйл явдлууд өнгөрсөн долоо хоногт болж өнгөрлөө.

Энэ сарын 6-ны өдөр ТТЭН-ын дарга УИХ-ын гишүүн асан Г.Уянга мэдээлэл хийж Ерөнхийлөгч Ц.Элбэгдоржийг огцруулах 12 үндэслэлийг нийтэд дэлгэсэн юм. Эл асуудлыг иргэд сошиалаар “МАН-ын явуулга” гэж үзэж буйгаа илэрхийлжээ.

10 жил хүлээгдсэн АН-ын Их хурал энэ сарын 6-7-ны өдрүүдэд үргэлжилсэн. Тус их хурлаар  намын дүрмийн шинэчлэл болон намын даргыг сонгох тухай  зэрэг асуудал яригдах байсан.

Гэвч олны хүлээлтийг үүсгэсэн дээрх хурлын үеэр намын дарга З.Энхболд  илтгэлийнхээ үеэр МАН-аа муулсаар хурлаа өндөрлүүлсэн. Тус намын хурал СТӨ-нд болсон бөгөөд тэднийг эсэргүүцэн жагсагчид  “лоозон” барьсаар угтсан юм.

“Ард түмнээ хайрлая” намын дарга, УИХ-ын гишүүн асан Л.Гүндалай энэ сарын 9-нд буюу өчигдөр АН-д элсэнэ гэж нийтэд мэдээлсэн нь олны анхаарлыг татлаа.

Тэрбээр АН-д элсэх өргөдлөө өөрийн биеэр өгсөн аж. Түүний хувьд хоёр ч удаа намаасаа гарч байсан. Үүний хариуд АН-ын ерөнхий нарийн бичгийн даргын үүрэг гүйцэтгэгч Л.Эрхэмбаяр хариу өгчээ.

Тэрбээр твиттер хуудаснаа “Гүндалай АН-д гишүүнээр элсэх өргөдлөө өөрийн биеэр ирж өгөв. Түүний өргөдлийг АН хүлээж авах боломжгүй” хэмээн жиргэжээ.

"Хар сарнай" хамтлагийн дуучин С.Амармандах энэ сарын 22-ны өдөр "Аз жаргалтай Улаанбаатар" цэнгүүний үеэр ая дуугаа өргөсний дараахан Их гүрний дипломатчид зодуулж хүнд бэртэл авсан.

Энэ тухай дотоодын болон гадны томоохон хэвлэлүүдээр цацагдсан юм.

Тэрбээр өнөөдөр өөрийн хэвтэж буй эмнэлэгтээ хэвлэлийнхэнд мэдээлэл өгсөн бөгөөд түүнийг тойрсон үнэн худал нь мэдэгдэхгүй мэдээллүүд сэтгэлийг нь эмзэглүүлж байна гэдгээ илэрхийлсэн. Мөн “ би хай гитлер гэж хэлээгүй, намайг зодсон хүнийг танихгүй” гэсэн юм.

24tsag.mn