"Ард түмнээ хайрлая" намын дарга, УИХ-ын гишүүн асан Л.Гүндалай энэ сарын 9-ны өдөр “Зууны мэдээ” үндэсний мэдээллийн төвд хэвлэлийн бага хурал зарлаж АН-д элсэнэ гэдгээ мэдээлсэн юм.

Ингэснээр олон нийт түүнд дахин анхаарлаа хандуулж эхлээд байна. Ингээд түүний хэлсэн онцлох 24 ишлэлийг хүргэе.

Баримт 1. Намын нөхдүүд маань болохгүй байсан учраас  би намаасаа гарч байсан.

Баримт 2. АН бол миний анхны хайр

Баримт3. Би 2000 онд АН-ыг ялагдаж явах үед туг нь болж, дэмжиж явсан.

Баримт 4. АН дүрмээ шинэчилж, Үндэсний зөвлөлдөх хороогоор бус намын нийт гишүүдийн хүрээнд асуудлыг шийдвэрлэдэг болсон. Энэ нь намайг намдаа эргэн орох шалтгаан болж байна.

Баримт 5. Би их улс төрд иргэн ирж байна”

Баримт 6. Манай нам лидергүй болсон учраас бусад нь намайг дагаад АН-д элсэх байх

Баримт  7. Би дөнгөж сая АН-ын генсек Л.Эрхэмбаярт намд элсэх хүсэлтээ албан бичгээр өглөө. Харин намайг шууд хүлээж авах байх гэж бодсон чинь сонин хариу хэлсэн. Тэрээр “Энэ асуудлыг өөртэй чинь жич ярья. Дээд хүмүүстэйгээ зөвлөлдөж байгаа хариу мэдэгдье” гэж хэлсэн. Энэ нь надаа их сонин санагдлаа.

Баримт 8. Аягүй бол намайг авахгүй байж мэдэхээр байна шүү.

Баримт 9. АН-д орох болсонтой холбоотойгоор АТХН-ын гишүүнчлэлээсээ албан ёсоор гарлаа.

Баримт 10.  Грекийн агуу суут их эрдэмтэн, физикч Архимед “Надад тулах цэг өг, би дэлхийг эргүүлье” гэдэг шиг АН миний хувьд тулах цэг байх болно.

Баримт  11. Өөрийнхөө байгуулсан жижиг намд байгаад байвал Монгол Улсыг амархан өөрчилж чадахгүй байх.

Баримт  12. Монгол Улсыг өөрчлөхийн тулд тодорхой хэмжээний эрх мэдэлд очих ёстой

Баримт  13. Монгол Улсын Ерөнхий сайд, Ерөнхийлөгчийн албан тушаалд очиж байж улс орны хөгжүүлэх өөрчлөх зүйл хийдэг. Тэрнээс намын гишүүн байгаад, УИХ-ын гишүүн болоод улс орныг өөрчилж чадахгүй.

Баримт 14. Дональд Трамп өөр жижиг намаас өрсөлдөх гэж оролдоод бүтээгүй. Бүгд найрамдах намд элсч сунгаанд ялж Ерөнхийлөгчийн төлөө нэр дэвшсэн. Хүн ер нь өөрчилье шинэчилье гэвэл зөв цагт зөв газраа байх ёстой

Баримт 15. Дональд Трамп мисс эхнэртэй бол би ч бас мисс эхнэртэй.

Баримт 16. Дональд Трамп бид хоёр хоюулаа жижиг намаас гараад ялалт байгуулж чадаагүй. Үүгээрээ адилхан.

Баримт  17. АНУ-ын Ерөнхийлөгч Дональд Трамп бид хоёр ойролцоо зан чанартай

Баримт 18. Ардчилсан нам шинэ дүрмээ боловсруулж, Үндэсний Зөвлөлдөх Хороо гэдэг худалдагдсан байгууллагаар асуудлаа шийдүүлэхгүйгээр нийт гишүүдээрээ хэлэлцүүлж, намын даргаа сонгож, гишүүдийнхээ хүрээнд асуудлаа шийдвэрлэдэг болж байна.  Энэ бүхэн миний Ардчилсан намдаа эргэж орох шалтгаан болсон.

Баримт  19. Намын нөхөд нэг сонин байдалтай хүлээж авсан. Би АН-д хүч нэмэх хүсэлтэй байна

Баримт  20. Өнөөдрөөс эхлээд улс төрийн шинэ үйл явдлыг эхлүүлнэ.

Баримт  21. Монголын улс төрд өөрчлөлт шинэчлэлт хийх хүсэл, бодолтой байна

Баримт  22. Та нар намайг юу хийхийг харж байгаарай.

Баримт  23. Намаасаа улаанцайм урвасан хүмүүс  буцаж намдаа орсон. Би яагаад болохгүй гэж.

Баримт  24. Би 2000 онд АН-ыг ялагдаж явах үед туг нь болж явсан.