Дуулиантайгаараа алдартай жүжигчин Линдси Лоханоос байрыг нь хураав. Лоханы амьдарч байсан Лондоны байрны эзэн компани Лоханыг тэндээс албадан гаргажээ. Жүжигчин түрээсийн 77 мянган фунт стерлингийг төлөөгүй байв гэж Daily Mail сонин бичлээ.

Лоханаас өрөө  төлөхийг шаардсан ба  түүнийг хийгээгүй бол шүүхэд хандана гэж компани мэдэгдэв. Жүжигчин уг байрыг өөрийн бойфренд байсан орос залуу Егор Тарабасовын хамт хөлслөн амьдарч байв. Лохан тэд байрны түрээсийг хамран төлөх гэрээтэй байсан, өөрийн хэсгийг төлсөн гэж хэлжээ. Харин Тарабасов үүргээ биелүүлээгүй гэнэ.

Одоо Линдси Лохан 2000 фунт стерлингийн төлбөрийн доод хэмжээг төлөөд байрнаас гарсан байна. Харин Тарабасов байрны эздэд мөнгө төлөхгүй гэдгээ хэлсэн учир Лохан өрөө төлөх мөнгө хайх бололтой.