УИХ-ын дэд дарга Ц.Нямдорж “Эрдэнэт”-ийн 49 хувийг “Монголын зэс” корпораци хувьчилж авсныг эсэргүүцэж, өнгөрсөн намраас хойш олон удаа мэдэгдэл хийж байсан.
Тэрбээр “Би энэ луйврын эсрэг сүүлчийн цамцаа урагдтал тэмцэнэ. Надад одоо нам, дарга хамаагүй шүү. Намайг “Ерөнхийлөгчийн сонгуульд нэр дэвших гээд ингэж байна гэх”. Энэ бол дэндүү жижиг асуудал” хэмээн хэлж байсан билээ.
Тэгвэл өнөөдөр УИХ-ын дэд дарга Ц.Нямдоржийн хүү “Эрдэнэт”-д олон тэрбум төгрөгийн шахааны бизнес цэцэглүүлсэн талаар мэдээлэл хэвлэлүүдээр гарч, шуугиан тарьж байна. Тодруулбал “Эрдэнэт” үйлдвэрт түүний хүү Н.Анхбаярын “Анлимитед” ХХК 760 мянган ам.долларын шахаа хийсэн гэх баримт дэлгэгдэв.
Доорх гэрээнүүд 2004 онд Ц.Нямдоржийг ХЗДХ-ийн сайд байх үед байгуулагдсан бол 2006 онд түүнийг УИХ-ын дарга байх үед батлагдсан байв. Мөн энэ гэрээнүүдийн тус бүрийн үнийн дүнг нэгтгэвэл, нийт 760 сая 400 мянган ам.доллар болж байгаа юм.
Өдгөө Ц.Нямдоржийн хүү Н.Анхбаяр нь ГХЯ-нд томоохон эрх мэдэл бүхий түшмэлийн алба хашдаг аж. Харин энэ талаар УИХ-ын дэд дарга Ц.Нямдорж ямар нэгэн тайлбар хийгээгүй байна.
Сэтгэгдэл (90)