Өнгөрсөн амралтын өдрүүдэд шатахууны үнэ нэмэгдэж, иргэдийг багагүй сандаргаад байгаа билээ. Нэр бүхийн компаниуд шатахууны үнээ төрөл тус бүрт байршил харгалзан 90-100 төгрөгөөр нэмээд байгаа юм. Тэд үнээ нэмсэн шалтгаанаа монгол төгрөгтэй харьцах ам.долларын ханштай холбож байгаа ч холбогдох албаныхан энэ талаар тодорхой хариу өгөөгүй байна. Тэгвэл яг одоо шатахууны үнийн асуудлаар Ашигт малтмал, газрын тосны газрынхан хуралдаж байгаа аж. Уг нь Засгийн газраас энэ төрлийн бүтээгдэхүүнд ногдуулах Онцгой албан татварын хэмжээг бууруулсан. Авто бензинд ногдуулах онцгой албан татварыг 160 мянган төгрөгөөс  50 мянган төгрөг, дизелийн түлшинд ногдох татвар 180 мянган төгрөг байсныг 70 мянган төгрөг болгон бууруулж тогтоогоод байгаа юм.