Шатахууны үнэ литр тутамдаа 100 хүртэлх төгрөгөөр нэмэгдээд байгаа. Үнэ нэмэгдсэн шалтгааныг Уул уурхай, хүнд үйлдвэрийн яамныхан дэлхийн зах зээл дээрх газрын тосны үнэ нэмэгдсэнтэй холбоотой гэж тайлбарлалаа. Өөрөөр хэлбэл дэлхийн зах зээл дээрх газрын тосны үнийн хэлбэлзэл,  шатахууны импортын үнэ төрөл тус бүр дээр нэг тонн нь 41-60 орчим ам.доллараар өссөн нь нфть импортлогчид үнэ ханшаа  нэмэх шалтгаан болжээ. Тэгвэл компаниуд шатахууны жижиглэнгийн үнээ бодитой нэмсэн үү гэдгийг албаныхан шалгахаар болсон байна. Ашигт малтмал, газрын тосны газар, Шударга өрсөлдөөн хэрэглэгчийн төлөө газрын байцаагчид хамтран шалгаж эхэллээ.