Өнөөдөр 16 цагаас “London 2012” наадмын 25 метрийн  спорт гар  бууны буудлагын тэмцээнд манай тамирчин О.Гүндэгмаа буудна.  Тэрээр эхний тоглолт болох10 метрийн хийн гар буун төрөлд  амжилт гаргаагүй  ч өнөөдрийн тэмцээндээ илүү амжилттай  буудна  хэмээн найдаж байгаа. Тэрбээр 2011 оны тавдугаар сарын дундуур АНУ-ын Форт Беннинг хотноо болсон олимпийн наадмын эрх олгох буудлагын “Дэлхийн цом”-ын тэмцээнд оролцож, мөнгөн медаль хүртсэнээр олимпийн эрхээ өвөртөлсөн. 
  О.Гүндэгмаа анх 1996 оны Атлантын олимпод оролцож байсан тэрбээр ийнхүү тав дахь олимпио зориод байна.  20-иод жил буудлагын спорттоор хичээллэж буй тэрбээр 1998 оны ДАШТ-ээс багийн төрлөөр, 2006 оны дэлхийн аваргад ганцаарчилсан төрөлд тус тус хүрэл медаль хүртэж байв. Үүнээс гадна Азийн наадмын хошой хүрэл, Ази тивийн аварга, Дэлхийн цомын шигшээ тэмцээний аварга, Дэлхийн цомын цувралуудын алт, мөнгө, хүрэл медаль гээд амжилтын түүх арвинтай.
  Лондонгийн олимпийн тэнгэрт эх орныхоо төрийн дууллыг эгшиглүүлнэ хэмээн найдахын зэрэгцээ тамирчиндаа мэлмий нь цэцэн байхыг хүсье.