Зуны олимпийн ХХХ дахь удаагийн наадамд Саудын Араб улс хоёр эмэгтэй тамирчинаа илгээсэн. Дээрхи  тамаирчдын нэг нь  жудо бөхийн төрөлд өрсөлдөж байгаа юм. Гэхдээ жүдо бөхөд  өрсөлдөх тамирчныхаа  нэрийг  татаж магадгүй болоод байна. Ирэх баасан гаригт эмэгтэйчүүдийн +78 кг-ын жинд барилдах хуваарьтай Вождан аль-Сераж Абдулрахим Шахеркани гэгч 16 настай тамирчин хижаб гэгдэх лалын шашинт эмэгтэйчүүдийн толгойн алчуурын асуудлаас болж хүнд байдалд хүрсэн.  Саудын Арабын албаны хүмүүс олимпийн наадамд оролцох эмэгтэй тамирчдадаа лалын шашны ёс жаягийг зөрчихгүй байхыг хатуу анхааруулсан. Гэтэл Олон улсын жүдо бөхийн холбоо /IJF/-ны дүрэмд хижабтай барилдах тухай заалт байхгүй тул тус холбооны тэргүүн Мариус Визер Шахерканийг толгойн алчуураа авч, олимпийн татамид барилдахыг зөвлөжээ.
   Тэрээр өнгөрсөн долоо хоногт хийсэн мэдэгдэлдээ “Саудын Арабын тамирчид жүдогийн спортын өв уламжлалыг хүндэлж, толгойн хижаб алчуургүй барилдах ёстой” гэв. Харин Жүдогийн спортод тамирчдын аюулгүй байдлын үүднээс толгойн алчуурыг хориглодог. Тиймээс жүдоч бүсгүйн аав Алигийн ярьснаар хэрэв улсынх нь Үндэсний олимпийн хорооноос түүнийг толгойн алчуураа авч барилдахыг зөвшөөрөхгүй бол олимпийн наадамд барилдах боломжгүй болох гэнэ. Олимпийн болон Саудын албаны хүмүүс энэ асуудлаар хэлэлцэж байгаа ч одоогийн байдлаар эцсийн хариу тодорхой болоогүй байгаа. Харин нөгөө эмэгтэй тамирчин болох Сара Аттарын хувьд хөнгөн атлетикийн 800 метрийн гүйлтийн төрлөөр уралдах болохоор толгойн алчуурын асуудал тийм ч хурцаар хөндөгдөөгүй бололтой.