Энэтхэгийн хойд мужуудад 300 сая хүн гэрэл цахилгаангүй болов. Долоон муж болоод нийслэл Дели хотод эрчим хүчний хангамж 30-нд шилжих шөнөөс эхлэн доголдсон байна.

Өглөө гэхэд ослын уршгийг арилгаж чадаагүй тул гэрлэн дохионууд ажиллахгүй болсноос авто замуудад их хэмжээний түгжрэл үүсч, хот хоорондын галт тэрэгний хөдөлгөөн зогсчээ. Эрх баригчид юуны түрүүнд эмнэлэг болон тээврийн сүлжээний эрчим хүчийг өгөхөөр хичээж байна.
Өнөөдөр гэхэд цахилгаан тасарсан бүс нутгийн 60 хувьд байдал хэвийн болох төлөвтэй байна.Энэтхэгт цахилгаан тасрах явдал байнга тохиолддог боловч ийм өргөн хэмжээний доголдол 2001 оноос хойш гарч байгаагүй юм.