МАХН-ын дарга Н.Энхбаярыг таван үндэслэлээр яллахаар шүүж буй. Тэдний нэг нь “Улаанбаатар таймс” сонины хувьчлалын асуудал юм. Өнөөдөр 9.30 цагаас эхэлсэн шүүх хуралд Н.Энхбаяр тус сонины хувьчлалын асуудлаар мэдүүлэг өгчээ. Н.Энхбаярын өмгөөлөгч С.Нарангэрэл “Улаанбаатар таймс” сонины байрыг газрын хамт 2.1 тэрбум төгрөгөөр үнэлсэн нь хууль бус үйлдэл. Энэ байранд ямар ч газрын гэрчилгээ байхгүй. Тиймээс газрыг нь хэт өндөр үнээр үнэлсэн нь буруу. Ямар хууль тогтоомжийг үндэслэн энэ тоог гаргаж ирснийг мэдмээр байна” гэв. Харин үүний хариуд шинжээчдийн багийн ахлагч “Бид хууль томтоомжид заасны дагуу үнэлээгүй. Олон жилийн практик туршлага дээр үндэслэн мөн ойролцоох барилгын газрын ханшийг судлан энэ объектийг үнэлсэн. Энэ объектийн ойролцоо байрлах “Central tower”-ийн газрыг нэг сая доллараар үнэлсэн байдаг. Энэ байрыг өндөр үнэллээ гээд бидэнд ямар ч ашиг байхгүй. Учир нь бид үнэлгээний нийт үнийн дүнгээс хувь авдаггүй” гэжээ. Б.Чимэг
