Юрий Латенко хэмээх 35 настай залуу хэдэн жилийн өмнөөс дуучин Алсуг мөрдөн мөшгиж байснаас гурван жилийн өмнө шоронд орсон ажээ. Юрий Латенко дуучин бүсгүйн эцэг болон нөхрийг заналхийлж, Алсу өөрийнх нь эхнэр байх ёстой гэж байсан юм. Залууг сэтгэцийн өвчтэй хэмээн оношилж, албадан эмчилгээнд явуулсан гэнэ. Гэхдээ хэд хоногийн өмнө Юрий эрх чөлөөтэй болсон юм байна. Тэрээр суллагдаад “Бурхан болсон ээж нь өнгөрөхөөсөө өмнө Алсу тэр хоёрыг гэрлэхийг зөвшөөрсөн. Алсугаас ач хүүхэдтэй болно гэж хэлэхэд ээж нь баярласандаа уйлсан. Одоо намайг Алсутай гэр бүл болоход хэн ч саад хийх ёсгүй” хэмээжээ. Дуучин Алсу гэрийнхээ харуул хамгаалалтыг нэмж байгаа бөгөөд цагдаад мэдэгдээд ямар ч нэмэргүй гэдгийг тэрбээр ойлгосон аж.