Олипийн наадмын албан ёсны  үйл  ажиллгааны нэг  хэмээгддэг олимпийн  туг далбаа шилжүүлэх  ёслол  амжилттай  болж олимпийн далбаа дараагийн наадам зохиогдох хот буюу Бразилын нийслэл Рео Де Жанеро хотноо очжээ. Рео Де Жанеро хотын  захирагч Эдурдо Паес онгоц газардмагц лондонгийн олимпод оролцсон  баг тамирчдынхаа хамт олимпийн  далбааг намируулан ард түмэнтэйгээ мэндчиллээ.
   Ийнхүү 2016 оны Рео-гийн олимпийн  наадмын бэлтгэл ажил  өрнөж эхэлнэ. Ноён дарга Паес нийслэл Рео Де Жанеро хотод ирмэгцээ  2016 оны олимпийн наадмыг  зохион байгуулах  хорооны ерөнхийлөгч Артур Нузман болон хорооны гишүүдтэй уулзсан. Тэгэхдээ Бразилийн  олимпийн  хороонд  тугийг байрлуулсан юм. Бразил улс энэ удаагийн олимпод 17 алтан медальтайгаар 22-т эрэмблэгдсэн юм.  Энэ  нь Бэйжингийн  олипоос  байраа хоёроор ахиулсан үзүүлэлт байлаа.  
   Рео Де Жанеро хот бол Өмнөд Америкийн улс бөгөөд энэ бүс нутагт анх удаа олимпийн  наадам  зохиогдож байгаа.  Тиймээс  олимпийн  хотхон  барих,  хотын  бусад  тохижилтын ажилд шаргуу орж байгаа аж.  Гэхдээ олимпийн  наадам  зохиох  эрх  авна гэдэгтээ  итгэлтэй байсан учир хэд хэдэн  томоохон areana, стадионуудыг урьдчилан  барьж эхэлсэн байжээ. Одоо анхаарал  хандуулах  хамгийн чухал зүйлсд зам тээврийн асуудал болоод байгаа гэнэ. Учир нь наадам зохион  байгуулагдах үеэр хотын хүн  ам дээр нэмэгдэн зургаан  сая  гаруй жуулчид ирнэ гэсэн тооцоо гарсан байна.  Хотын удирдлагуудын  урьдчилсан  тооцооллоор олимпийн наадам  зохиогдохоос нэг жилийн  өмөн  зам харилцаа болоод бүх дэд бүтцийн  асуудлыг шийдсэн  байна хэмээн  төлөвлөжээ.

Э. Мөнх