"PGL Astana 2025" тэмцээний хэсгийн шат дуусаж, 1,250,000 ам.долларын шагналын сантай "CS2"-ийн том тэмцээний плей-офф шатанд өрсөлдөх найман баг тодорлоо. Тавдугаар сарын 10-14-ний хооронд болсон хэсгийн шатны тоглолтууд Швейцар системээр явагдсан бөгөөд 3 ялалт авсан багууд плей-оффт шууд шалгарч, 3 ялагдал хүлээсэн багууд тэмцээнээс хасагдсан.
Монголын баг "The MongolZ" эхний гурван тоглолтдоо дараалан ялалт байгуулж, "PGL Astana 2025" тэмцээний плейо-ффт шалгарсан анхны баг боллоо.
Тэд эхний тоглолтод Бразилийн "FURIA"-г 2-1, дараагийн тоглолтод "MIBR"-ийг 2-0 харьцаатайгаар хожсон. Гурав дахь тоглолтод "The MongolZ" тэмцээний гол фаворитын нэг "NAVI" багтай тулж, "Inferno" болон "Mirage" мапууд дээр хоёуланд нь 13-11-ээр хожиж, 3-0 амжилтаар дараагийн шатанд шалгарсан.
Энэхүү тоглолтыг монгол хэлээр шууд дамжуулсан албан ёсны стриймийг 50,000 гаруй хүн үзсэн нь Монгол Улсын хүн амын 1.5 хувьтай тэнцэх үзүүлэлт бөгөөд энэ нь тус багийн эх орондоо хэр алдартайг харуулж байна.
"The MongolZ" багийн гол ивээн тэтгэгч нь олон улсын брэнд 1xBet юм. "Team Spirit" баг мөн 3-0 амжилтаар плей-офф шатанд шалгарсан хоёр дахь баг болсон ба "GamerLegion", "NIP", "Astralis" багуудыг бүгдийг нь 2-0 харьцаатайгаар хожсон. "FURIA" баг "The MongolZ"-т ялагдсаны дараа дараалсан гурван тоглолтод ялалт байгуулсан.
Тэд эхлээд "GamerLegion"-ийг 2-1, дараа нь "MIBR" болон "ODDIK" багуудыг хожиж, 3-1 амжилтаар плейоффт багтсан. "NAVI" баг "The MongolZ"-той хийсэн ганц ялагдалтайгаар "M80", "BIG", "Aurora" багуудыг 2-0 харьцаагаар ялж, нийт 3-1 амжилтаар дараагийн шатанд гарсан.
Дани улсын домогт баг "Astralis" энэ удаад тийм ч хүчтэй биш байгаа ч зөөлөн оноолт тэдэнд тус болсон. Тэд "ODDIK" болон "paiN Gaming" багуудыг хожсон ч "Team Spirit"-т ялагдсан. Плей-оффын эрхийн төлөөх тоглолтод тэд "Virtus.pro"-г маш тэнцүү тоглолтын эцэст 19-17, 9-13, 13-9 харьцаатайгаар хожсоноор плей-оффт багтсан. Хэсгийн шатны сүүлийн өдөр "NIP", "Aurora", "MIBR" багууд таван тоглолт хийсний эцэст 3-2 амжилтаар плей-офф шатанд тус тус шалгарсан. Нэмж хэлэхэд "Aurora" болон "MIBR" багууд мөн 1xBet-ийн түнш багууд юм.
Тэмцээнээс хасагдсан багуудын дунд "M80", "GamerLegion" (0-3), "HOTU", "paiN Gaming", "BIG" (1-3), "G2 Esports", "Virtus.pro", "ODDIK" (2-3) гэсэн багууд багтаж байна. "PGL Astana 2025" тэмцээний плей-оффын шат тавдугаар сарын 16-нд эхэлж, тавдугаар сарын 18-нд финалын тоглолтоор өндөрлөнө.
Тэмцээнд түрүүлэх өндөр магадлалтай багуудаар "The MongolZ" болон "Team Spirit" багууд нэрлэгдэж байгаа бол "NAVI" болон "Aurora" багууд ч хүчтэй өрсөлдөгчид хэмээн тооцогдож байна.
Шөвгийн наймын оноолтыг танилцуулахад "The MongolZ" баг "Aurora"-тай, "Astralis" баг "NAVI"-тай, "FURIA" баг "MIBR"-тай, "NIP" баг "Team Spirit"-тай тус тус тоглоход бэлэн болоод байна. Хэсгийн шатанд 3-0 амжилт үзүүлсэн "The MongolZ" болон "Team Spirit" багууд зөвхөн финалд л хоорондоо учрах боломжтой. Гэхдээ тэд түүнээс өмнө шөвгийн найм болон хагас шигшээд ялалт байгуулах шаардлагатай бөгөөд энэ нь тун өндөр боломжтой хэмээн 1xBet Монгол-ын esports шинжээчид үзэж байна. Монголын шилдэг баг "The MongolZ"-д амжилт хүсье.
