Сүхбаатар дүүргийн шүүхээс дөрвөн жилийн хорих ялаар шийтгүүлсэн Н.Энхбаярын өмгөөлөгч С.Нарангэрэл өнөөдөр “Зууны мэдээ” сонины Үндэсний мэдээллийн төвд 12.00 цагаас хэвлэлийн хурал хийнэ. Тэрээр өчигдөр Сүхбаатар дүүргийн шүүхэд давж заалдах шатны шүүхэд гаргах өргөдлөө хүргүүлсэн билээ. Түүний өргөдлийг Сүхбаатар дүүргийн шүүхээс Нийслэлийн шүүхэд хүргүүлснээр Н.Энхбаярын хурлын зар товлогдох юм. Нийслэлийн шүүх өргөдлийг хүлээн авснаас 30 хоногийн дотор хурлын зарыг товлох ёстой билээ. С.Нарангэрэл “Улстөрчийн захиалгаар хилсээр шоронд суусан Н.Энхбаяр даргыг аль болох хурдан гаргах шаардлагатай байна. Иймээс нийслэлийн шүүх заавал 30 хоног гэж хугацаа алдалгүйгээр аль болох хурдан дараагийн шатны шүүхийн товыг гаргана гэдэгт найдаж байна” гэв. Тэрээр өнөөдөр уг асуудлаар мэдээлэл хийх юм.
Б.Чимэг
