УИХ-ын гишүүн асан Ш.Сайхансамбуу МАН-ын Нийслэлийн намын хорооны дэд дарга болжээ. УИХ-ын сонгуульд нэр дэвшиж чадаагүй ч тэрбээр улс төрийн тогооноос холдохгүй гэж мэдэгдэж байсан. Хэрэв нам нь олонхи болж чадвал Засгийн газарт орж ажиллах хүсэлтэй байгаагаа мэдэгдэж байлаа. Тэгвэл нам нь цөөнх болсон энэ үед тэрбээр зарим гишүүд шиг хувийн бизнесээ хөөсөнгүй, харин намдаа эргээд зүтгэхээр болсон байна. Сонгуульд ялагдал хүлээсэн гэж ихээхэн зэмлүүлж байгаа Нийслэлийн намын хороонд Ш.Сайхансамбуу ажиллахаар болж байна.
   Уг нь нийслэлийн намын хороодыг энэ долоо хоногт хуралдуулж, дүүргийн хороодын дарга нарыг солих тухай асуудал ярина гэж байсан юм. Гэсэн ч дүүргийн хороод эсэргүүцэж, сонгуульд муу оролцсон нь дээд удирдлагуудын алдаа тул ингэж доод шатны халаа солио хийх шаардлагагүй гэж эсэргүүцсэн аж.