1990-ээд онд жинхэнэ од болж байсан "Гэртээ ганцаараа" киноны гол дүрийн жүжигчин Макаулай Галкин өнөөдөр 32 нас хүрлээ. Тэрбээр 1980 оны 8 дугаар сарын 25-нд Манхаттанд төржээ. "Гэртээ ганцаараа" киног үзэж өссөн хүүхдүүд ч том болж, гол дүрийн жүжигчин ч танихын аргагүй өөрчлөгджээ. Түүний сонирхолтой амьдарлын агшинд түр саатъя.
Түүний аав Кит Галкин Броудвей театрт жүжигчнээр ажилладаг байжээ. Маккулай Галкин хамгийн анх 4 настайдаа "Ганц бие жаалууд" нэртэй драмын жүжигт тоглосо аж. Харин 1989 онд "Авга ах Бак" нэртэй кинонд анхны дүрээ бүтээсэн байна.
10 настай байхдаа "Гэртээ ганцаараа" кинонд тоглосон нь түүнийг жинэхэн од болгов.
1991 онд "Бямба гараг" нэртэй хөгжөөнт цэнгээнт нэвтрүүлэгт орсон анхны бага насны оролцогч болов.
"Гэртээ ганцаараа" кинонд тоглосныхоо дараа тэрбээр "Баян Ричи" гэх зэрэг олон кинонд дүр бүтээсэн ч гэсэн ч кино шүмжлэгчид түүнд "хамгийн муу жүжиглэлт" гэсэн дүгнэлт өгч байв. Макаулай Галкин энэ тухайд "Миний хамгийн хүнд бас учраа олохгүй будилж байсан өдрүүд" гэсэн байдаг.
Макаулай 1998 онд 17-хон настайдаа жүжигчин Рачел Минертэй гэрлэсэн ч гэр бүл нь удалгүй салсан. Үүнээс нь болж аав нь түүнтэй бүтэн 15 жил яриагүй гэдэг.
Тэр "Хар хун" киноны жүжигчин Мила Кунистай найман жил үерхсэн ч 2010 онд салжээ.
2004 онд тэрбээр хар тамхи хэрэглэсэн хэргээр баривчлагдав. Түүнийг 4 сар шоронд хорьж, 540 доллараар торгох ял оноож байжээ.
Удаан сураг, чимээгүй байсан Макаулай 2010 онд "Ванити Файр" сэтгүүлийн Оскарын наадамд зориулсан үдэшлэгт харагдсан юм. Багын найз Натали Портмантай.
2011 оны эхээр "Нью-Йорк хот" сэтгүүлд гарсан энэ зургийг нь хараад түүний фенүүд үнэхээр "шок"-нд орсон юм. Түүнийг хар тамхинд донтож, эрүүл мэнд, гадаад байдал нь огт өөр болсонд олон хүн санаа зовж байв.
Харин өнгөрсөн тавдугаар сард нэгэн үдэшлэгт авахуулсан зураг нь "Гэртээ ганцаараа"-д дуртай үзэгчдийн сэтгэлийг амраав. Макаулай Галкины зүс царай арай сайжирчээ. Өдгөө 32 нас хүрсэн тэрбээр багын төрхөөсөө огт ондоо болсон нь энэ юм.
Б.Баяр
Сэтгэгдэл (5)