Ерөнхий сайд Н.Алтанхуяг өнөөдөр хотын зарим зам засварын ажилтай танилцлаа. Тэрбээр Яармагийн замын өргөтгөл болон Офицеруудын ордны орчмын зам засвар хэрхэн хийгдэж байгааг очиж үзжээ. Түүнтэй хамт Барилга, хот байгуулалтын сайд Ц.Баярсайхан, нийслэлийн засаг дарга Э.Бат-Үүл нар хамт явсан юм. Ерөнхий сайд нөхцөл байдалтай танилцаад зам засварыг он дамжуулахгүй, 2012 ондоо багтааж дуусгахыг Барилга, хот байгуулалтын сайд Ц.Баярсайхан, нийслэлийн засаг дарга Э.Бат-Үүл нарт үүрэг болгожээ. Мөн зам засварыг хариуцлагтай, чанартай гүйцэтгэж хугацаанд нь дуусгахын тулд  энэ ажилд байнгын хяналт тавихыг санууллаа.