Хятадын өмнөд хэсгээс эхэлсэн Боливана хар салхи Японы Окинава арлыг дайрч өнгөрлөө. Далайн хар салхины үеэр үзэгдэх  орчин  хязгаарлагдан  олон  мянган иргэд гэрээсээ  гарч чадахгүйд хүрээд байсан  юм.
  Цаг уур  орчины  хүрээлэнгийн газраас хүчтэй хар салхи  болно  гэдгийг  урьдчилан  сануулж байсан.  Энэхүү  хар салхи ойрын 50 жилд  тохиогоогүй хүчтэй хар салхи дайран өнгөрсөн  хэмээн цаг уур судлаачид мэдээлсэн байна.
  Гамшигт хар салхи болох гэж байгааг урьдчилан мэдээлсэн байсан учир хүний амь нас эндээгүй өнгөрлөө хэмээн тус улсын онцгой байдлын алба мэдээлсэн. Харин Окинава болон Амами хотуудад  нийтдээ дөрвөн хүн   хийсч ирсэн хавсан болон бусад зүйлсэд цохигдон гэмтсэн гэсэн байна.
  Арлын 57 мянган  оршиг суугчид хар салхи  шуурч эхэлсэн  цагаас гэрэл цахилгаангүй болсон тухай Японы мэдээллийн  агентлагууд мэлээлж байгаа юм. Хар салхины үеэр гудамж талбайн чанга яригчаар иргэдэд гэрээсээ гарахгүй байх, тагтан дээр гарах цонхоо нээхгүй байж биеэ хамгаална уу гэсэн сэрэмжлүүлэг  тасралтгүй явж байжээ.  Зарим  иргэд аль хэдийнэ цэвэр  ус  болоод хүнсний нөөц үүсгэн  олноороо хоргодох байранд байрлаж эхэлсэн гэнэ.
Японы олон нийтийн суван NHK телевизээр хүчтэй хар салхинд машинууд хөмөрч хийсч байгааг харуулсан  байна.  Цаг уур орчны хүрээлэнгийн газраас  мэдээлж буйгаар хар салхины хүч еранхийдөө  180 км цагийн хуртай, шүрүүсэхээрээ 252 км цаг хүрч байсан  ажээ.  Харин  Асошейтэд пресс агентлагийн мэдээлснээр салхины хүч  Окинава болон Амами арлуудад 140 км  цаг хүрсэн  хэмээн  мэдээлсэн юм.
Окинава хотын захирагч Ёошимицу Мацусак асошейтэд пресс агентлагт өгсөн ярилцлагадаа “ Ийм хүчтэй  хар  салхи  дайран  өнгөрч байхад их   хохирол,  эвдрэл гэмтэл амсаагүй өнгөрсөн нь их аз юм” гэв.
Хар салхины үер орон нутгийн  болон олон улсын чанартай бүх нислэгүүд   хойшилсон юм.