ЕБС-ийн биеийн тамирын багш нарт хөлбөмбөг заах арга барилыг сургаж эзэмшүүлэх зорилгоор МХБХ-ноос Монгол улсын Засгийн Газар, Боловсролын яам, ЗГ-ын хэрэгжүүлэгч агентлаг БТСГ-тай хамтран “ХҮҮХЭД – ХӨЛБӨМБӨГ – ИРЭЭДҮЙ” хөтөлбөр хэрэгжүүлэх гэж байна.
Энэ хүрээнд эхний ээлжинд 21 аймаг бүрээс тус бүр нэг төлөөллийг Улаанбаатар хотод VIII сарын 28-наас IX сарын 1-нд явагдах Grassroots instructor буюу Хүүхдийн хөлбөмбөгийн зааварлагч, сургагч багш бэлтгэх 5 хоногийн сургалтанд хамруулна.

Мөн ийнхүү “ХҮҮХЭД – ХӨЛБӨМБӨГ – ИРЭЭДҮЙ” хөтөлбөрийн нээлтийн ёслол ирэх  сарын 1-нд 11.00 цагт Сүхбаатарын талбай дээр зохион байгуулах гэж байна. Нээлтийн ёслолын үйл ажиллагаанд FIFA-гийн төлөөлөгчид хүрэлцэн ирж оролцох аж.
Хүүхдийн хөлбөмбөгийн зааварлагч, сургагч багш нарын сургалтын нээлтийн ажиллагаа маргааш 09.00 цагаас Монголын Хөлбөмбөгийн Холбооны Төв байранд явагдана.

Ц.Болор