Өнгөрсөн  амралтын  өдрүүдэд Японы Окинава болон Амами арлуудыг дайран өнгөрсөн “Болавен” нэрт  далайн хар шуурга намжлаа. Уг  хар салхи 259 км цаг хүртэл ширүүсч  Япончуудын  багагүй санадралд  оруулаад байсан  юм. Цаг уур судлаачдын мэдээлснээр ийм хүчтэй хар салхи  ойрын 50 жилийн  турш тохиогоогүй байсан гэв. Хар салхины үеэр үүссэн бараан үүл  2000 км буюу Окинава аралаас даруй 20 дахин  том  байсан  хэмээн  тэмдэглэсэн байна.   Энэ нь Франц болон Польшийн нутаг дэвсгэртэй адил хэмжээтэй гэсэн  үг юм. Хар салхи  Японд шөнийн цагаар  илүү  хүчтэй шуурч өнгөрсөн аж.
  “Зөвхөн Японд төдийгүй азийн орнуудаар  дайрч өнгөрсөн хар салхинуудаас  хамгийн  томоохонд нь цоогцогдохуйц хар салхи  байлаа” хэмээн хар салхи  судлаач Жемс Рейнольд  цохон тэмдэглэжээ. Хар салхи  гурван  хэсгээс бүрэлдэж байсан бөгөөд хүчтэй  шуурга,  усан  бороо  дагуулан гамшиг  тарьж байсан.  
  Шуурга маш хүчтэй шуурч байсан учир харах орчин хязгаарлагдан, бараан үүлээр хучигдсан байжээ.  Хотын иргэд бүгд гэртээ бүгэж хотын  гудамжаар гаралгүй байсан учир хүний амь хохирсон тохиолдол гарсангүй. Харин цөөхөн хүн гэмтсэн гэсэн  мэдээг NHK телевизийн  мэдээгээр дамжуулжээ. Мөн ийм хэмжээний шуурганд тэсвэртэй байж чадсан нь Японы барилгын чанарыг  харууллаа хэмээн хэвлэлүүд бичиг байгаа юм.  Японд болсон  хамгийн  хүчтэйд тооцогдож байсан хар  салхи бол 1956 онд Наха хотод болсон хар  салхи  хэмээн тэмэдэглэгдээд байсан юм.
  Болавен хар салхи цаашлан Солонгосыг чиглэж байгааг  цаг уурчид  анхааруулж байгаа. Солонгосыг чиглэсэн хар салхи  өнөөдөр  маргаашт солонгост шуурах  гэнэ. Гэхдээ салхины  эрч суларсан учир тийм ч их  хохирол  үзүүлэхгүй байх хэмээн  найдаж байна.   Уг хар салхи Японоос өмнө Хятадын өмнөд мужууд болон Хонконг,  Тайванийг дайрсан юм.