Улаанбаатарын “Их дуулга” тэмцээнд 29 орны 247 жүдоч оролцож байна. Улаанбаатарын “Их дуулга”-ыг Ерөнхийлөгчийн Тамгын газар, Монгол Улсын Засгийн газар, Соёл, спорт, аялал жуулчлал, залуучуудын яам, Нийслэлийн Засаг даргын Тамгын газар, Олон улсын жүдо бөхийн холбоо, Монголын жүдо бөхийн холбоо, Улаанбаатар хотын хөгжлийн корпорац, Биеийн тамир, спортын улсын хороо хамтран зохион байгуулж байгаа юм.

Тэмцээний эхний өдрийн барилдаан 12:00 цагт “Степ Арена”-д эхэлнэ. Тэмцээний финалын барилдааныг 17:00 цагаас С1 телевиз эх орон даяар шууд дамжуулах юм. Түүнчлэн албан ёсны нээлт энэ сарын 26-нд болно.

Эхний өдрийн барилдаан болох эмэгтэйчүүдийн 48 кг-д 12, 52 кг-д 16, 57 кг-д 14, эрэгтэйчүүдийн 60 кг-д 20, 66 кг-д 25 жүдоч барилдана. Улаанбаатар хотноо болж буй “Их дуулга” гурав дахь удаагаа зодоглох гэж буй 25 тамирчин байна. Үүнээс 18 нь Монгол, долоо нь гадны тамирчин байгаа аж