Дэлхий дээрхи хамгийн  өндөр насыг зооглосон буюу 34 настай хулсны  баавгай Берлиний амьтны  хүрээлэнд нас барсан тухай BBC агентлаг мэдээллээ. 1978 онд Хятадад төрсөн Бао Бао хулсны баавгай анхны дипломат эрхээр  гадаад  улсад шилжин суусан  амьтан  байсан  юм.  Бао Бао Германы амьтны хүрээлэнд 1980 онд  ирсэн бөгөөд 32 жилийн турш Берлиний амьтний хүрээлэнг чимж байсан.

  Бао Бао баавгайг 1980 онд тухайн үеийн Германы  канцлер Хэлмут Шмитэд Хятадын удирдагч Хуа Гоуфен бэлэг болгон албан ёсоох дипломатт эрхээр  шилжүүлж байсан  түүхтэй.
  Амьтны хүрээлэнгийн амьтан асрагчдын мэдээлж буйгаар хулсны баавгай хэдэн  сарын өмнөөс бие нь  тавгүйтэж эхэлсэн гэнэ. Хамгийн гайхалтай нь Бао Бао уг амьтны хүрээлэнгийн цорын ганц баавгай байсан бөгөөд хэд хэдэн удаа гэр бүлтэй болгохоор хичээсэн ч тэдгээр  баавгайнууд  төд удалгүй үхэх эсвэл  дасан зохьцож чаддагүй байжээ.  Бао Баогийн хамтрагчаар  хамгийн удаан  амьдарсан  баавгай бол Цин Цин хэмээх  эмэгчин  баавгай байсан юм. Түүний дараагаар 1991-1993 оны хооронд Мин Мин  хэмээх  баавгай байсан ч тэрээр уур амьсгалд нийцэж чадаагүй учир  Лондоны амьтны  хүрээлэн рүү  шилжүүлж байсан аж. Харин түүний сүүлчийн хамтрагч  бол Ян Ян хэмээх баавгай байсан юм.  Цорын ганцаараа торны цаана суудаг энэ баавгай ийм  урт насалсанд түүний хэчнээн их тэвчээртэйг харууллаа хэмэээн олон  хүн  ярьж байгаа юм.
Амьтны  хүрээлэнгийн  ажилчид болоод  үзэгчид баавгайг санан дурсаж “Берлиний зүрх сэтгэлд  мөнхөрнө” хэмээсэн байна.