Чингэлтэй дүүргийн шүүхээс 3.6 жилийн хорих ял сонсон, хоригдож буй ОБЕГ-ын дарга асан П.Даш, тус газрын Улсын нөөц бүрдүүлэлтийн газрын дарга асан Л.Алтангэрэл нар өнөөдөр давж заалдах шатны шүүхэд гомдол гаргажээ.
    Чингэлтэй дүүргийн шүүхээс 3.6 жилийн хорих ял сонсон, хоригдож буй ОБЕГ-ын дарга асан П.Даш, тус газрын Улсын нөөц бүрдүүлэлтийн газрын дарга асан Л.Алтангэрэл нар өнөөдөр давж заалдах шатны шүүхэд гомдол гаргажээ. Тэд анхан шатны шүүхийн шийдвэрийг хууль бус гарсан хэмээн давж заалдаж байгаа аж.
Өнгөрсөн оны есдүгээр сарын 29-нд тэднийг төрийн өмчийг хувьдаа завшсан хэмээн Хан-Уул дүүргийн шүүхээс 3.6 жилийн ял оноосон билээ. Тэднийг Эрүүгийн хуулийн 263.2, 150.3 гэсэн зүйл ангиар ялласан ч Өршөөлийн тухай хуульд хамруулан сулласан юм.
    Гэвч П.Даш анхан шатны шүүхийн шийдвэрийг “Хуульд нийцээгүй, би улсын хөрөнгө мөнгө хувьдаа завшаагүй. Хэрэг хийгээгүй байхад ял оноосон. Өршөөлийн хуульд хамруулсан хэргээ заавал цагаатгуулна. Нэр төрөө сэргээлгэнэ” гэж үзэн, Нийслэлийн давж заалдах шатны шүүхэд гомдол гаргаад байсан.  
Түүний гомдлыг Нийслэлийн шүүхэд хэлэлцэн, анхан шатны шүүхийн шийдвэрийг хүчингүй болгосон юм. Ингэснээр түүний хэргийг нэмэлт мөрдөн байцаалт явуулалгүйгээр анхан шатны шүүхээр дахин хэлэлцүүлэхээр болсон. Гэхдээ хэргийг өмнө нь шийдсэн Хан-Уул дүүргийн шүүхэд бус Чингэлтэй дүүргийн шүүхэд шийдвэрлүүлэхээр харьяаллыг нь өөрчилсөн билээ.
   
    Харин Чингэлтэй дүүргийн шүүхээс  тэдний гэм буруутайг нь батлаад 6.6 жилийн хорих ялаар шийтгэж, гурван жилийг Өршөөл үзүүлэх хуульд хамруулан 3.6 жилийн хорих ялыг биечлэн эдлүүлэхээр болсон юм.