Хятадын Хэбэй мужийн Хандан /Handan/ гэдэг газар эх нь нялх үрээ хөнөөсөн жигшүүр хэрэг гарсан тухай "Hebei Youth Daily" өчигдөр мэдээллээ. Ли Минг гэгч 22 настай эмэгтэй өнгөрсөн гуравдугаар сард гэрлэсэн бөгөөд сарын дараа хүүхдээ төрүүлжээ.

 Хэрэг болсон өдөр эмэгтэйн хадам эгч гэрт нь ирэхэд тэрбээр гал тогооны өрөөндөө дөрвөн сартай хүүгийнхээ баруун хөлийг нь хутгаар тасдаад зогсож байжээ. Түүнийг болиулсан ч аль хэдийн хүүгийн хөл тасарсан байсан аж. Төрөөд дөрөвхөн сар болж байсан нярай хүүхэд хөлийг нь тасалснаас болж их хэмжээний цус алдан нас баржээ. Хятад эмэгтэй энэ үйлдлээ "хүүхдээсээ залхсан" гэж тайлбарласан байна. Ли Минг ийм жигшүүрт хэрэг үйлдсэнийхээ дараа зугтсан ч түүнийг тосгоны иргэдийн тусламжтайгаар өчигдөр цагдаагийнхан баривчилсан байна.

  Зөвхөн Хэбэй мужид гэлтгүй Хятадад хүүхдийн эрхэд энэ мэт хэрцгийгээр халдсан хэрэг маш олон гарах болсон билээ. Твиттер, фээсбүүк зэрэг олон нийтийн сайтууд хаалттай, мэдээллийн хэрэгслүүдийг хянадаг тул Хятадад амьдарч байгаа хүмүүст ийм мэдээлэл хаагдмал байдаг аж.