Дэлхийн шатрын 40 дэх удаагийн олимпиад энэ сарын 27-ноос есдүгээр сарын 10-ны хооронд Туркийн Стамбул хотод болж байна. Өчигдөр тус олимпиадын эхний өргийн тоглолт албан ёсоор эхэллээ. 150 орны багаас 56-д эрэмбэлэгдсэн манай эрэгтэй шатарчид эхний даваанд тус олимпиадын 134 дэх эрэмбэтэй Фижи арлын шатарчидтай оноолт таарчээ.

     Дэлхийн шатрын 40 дэх удаагийн олимпиад энэ сарын 27-ноос есдүгээр сарын 10-ны хооронд Туркийн Стамбул хотод болж байна. Өчигдөр тус олимпиадын эхний өргийн тоглолт албан ёсоор эхэллээ. 150 орны багаас 56-д эрэмбэлэгдсэн манай эрэгтэй шатарчид эхний даваанд тус олимпиадын 134 дэх эрэмбэтэй Фижи арлын шатарчидтай оноолт таарчээ. Их мастер Д.Шаравдорж, их мастер Ц.Батчулуун, ФИДЕ-гийн мастер Г.Мөнхгал, ФИДЕ-гийн мастер М.Гүнбаяр нар энэ удаа бүгдээрээ ялалт байгуулан Фижигийн шатарчдыг 4:0-ээр цэвэр ялж, удаах даваанд Арабын нэгдсэн Эмиратын багтай халз тулахаар болжээ.

Харин 120 орны эмэгтэй багаас 21 дүгээрт бичигдсэн Монголын баг эхний шатанд 84 дэх чансаанд буй, тэмцээнийг зохион байгуулагч Туркийн 2-р багтай оюун ухаанаа сорьсон юм. Их мастер Т.Батчимэг, ФИДЕ-гийн мастер С.Отгонжаргал нар учраагаа хожиж, олон улсын мастер Б.Анхчимэг тэнцэж, олон улсын мастер Д.Янжиндулам өөрөөсөө чансаа доогуур өрсөлдөгчдөд хожигдсоноор нийлбэр дүнгээр манай баг 2,5:1,5 оноогоор яллаа. Хоёрдугаар тойрогт тэд Английн бүсгүйчүүдтэй оноолт таараад байна.
Эхний тойрогт амарсан манай тэргүүн шатарчин Олон улсын мастер Б.Гүндаваа, Б.Мөнгөнтуул нар хоёрдахь тулаанд оролцож магадгүй юм.  

Ц.Болор