Бүсгүйчүүдийг юу илүүтэй секси харагдуулдаг талаар бичнэ гэвэл тоочоод баршгүй биз ээ.

Бидний уламжлалт ойлголтоор өндөр өсгийт, гүн ухлаадас, оноо бүхий хөнгөн маягийн хувцас дур булаам харагдуулахад нөлөөлдөг гэж боддог.

Гэтэл секси байдлын мөн чанарыг судалдаг эрдэмтэд биднээс өөр ойлголттой байдаг ажээ. Тэгвэл эдгээр зүйлс нь юу вэ?

Секс судлаачдын хувьд өнөөг хүртэл маргаантай байгаа “дур хүслийг өдөөгч” гэж нэрлэгддэг бодисын солилцооны асуудал байдаг ажээ. Энэ нь бүсгүйчүүдийн хөлсөөр гадагшлан, гадна төрх үзэмжинд нь нөлөөлж, эрчүүдийг байгалиас заяасан инстинктээр нь татаж чаддаг гэнэ.

Энэхүү дур хүслийг өдөөгч нь үнэртэн танартан шиг савлагдаж зарагддаггүй, ууж идэхээр эм бэлдмэлээр байдаггүй, түүнийг зөвхөн бид өөрсдөө сексийн тухай бодох үедээ үйлдвэрлэж гаргадаг аж. Өөрийн хүслийг төрүүлэгч обьекттой ярилцах үедээ уран сэтгэмжит зүйлийг төсөөлснөөр нейромедиаторууд болон гормонуудын бүлэг боловсрогдон бодисын солилцооны замаар эсрэг талын ярилцагчдаа нөлөөлөн сэрлийг нь хөдөлгөдөг ажээ. Энэ үед чиний нүд цоглог гэрэлтэн, нүүр хүзүүний арьс чинь чийглэг болж, хацар ялимгүй улайна. Чи ямар ч пудр, тушь хэрэглээгүй байсан ч сэтгэл татам харагдан, эрчүүдийн төрөлх инстинктийг сэргээдэг.

Эрчүүдийн хувьд байгалиас өгөгдсөнөөр хүүхнүүдийн хөлийн урт, хөхний хэмжээ анхаарлыг нь татах хэдий ч, харин бүсэлхий өгзөгний харьцаа хамгийн чухал ажээ. Бүсгүй хүний гоо үзэсгэлэнгийн талаарх төсөөлөлтэй зэрэгцэн хүүхэд төрүүлэх чадвар голлох байр суурь эзэлдэг бололтой. Хэдийгээр эрчүүд чиний нүд, хөх, уруулыг ажиглаж байгаа ч юуны түрүүнд гэдэс хэвлий болон түүнээс дооших хэсгийг илүүтэй анхаарна. Тэд энэ талаараа юу ч ярихгүй байж болох ч чухам яагаад бүсгүйчүүдийн биеийн энэ хэсгийг илүүтэй сонирхоод байгаагаа өөрсдөө ч сайн мэдэхгүй, бүх зүйл нүд ирмэх зуурт өнгөрдөг болохоор.

Мөн хүүхнүүдийн урт үс аль хүй нэгдлийн үеэс улбаатай зэвсэг хэдий ч одоо хүртэл ач холбогдлоо алдаагүй л байна. Эрчүүд урьдын адил хүүхнүүдийн үсний урт, өтгөнд анхаарлаа хандуулдаг хэвээр.

Мөн баяр баясгалантай дүр төрх секси байдалд ихээр нөлөөлдөг. Чи өөртөө аз жаргалын гормон ялгаруулахын тулд перец, гашуун шоколад гэх мэт хурц, чихэрлэг зүйлсийг хэлэн дээрээ тавьж уусган амталбал сэтгэл санааны байдал харьцангуй дээшилнэ. Мөн Моцарт, Вивальди, Сибелиус, Бах болон бусад мундаг хөгжмийн зохиолчдын сонгодог аялгуунуудыг сонсоход дээд зэрэглэлийн аз жаргалыг мэдрэх шиг болно.

Эцэст нь хэлэхэд, эрчүүдийн сэтгэлийг татаж, сэрлийг хөдөлгөхийн тулд юуг ч сонирхоод үзэхэд огт буруудахгүй, туршаад үзээрэй, Амжилт!