Хүний эрхийн үндэсний комисс, Монголын үйлдвэрчний эвлэлээс зарим төрийн бус байгууллагатай хамтарсан шалгалтыг Өмнөговийн томоохон орд газруудад хийжээ. Шалгалтад “Бага таван толгой”, “Энержи ресурс”, “Баруун цанхи”, “Эрдэнэс МГЛ” болон нүүрсний уурхайнууд хамрагдсан байна. Шалгалтын үеэр МҮЭ “Эрдэнэс МГЛ” компанийн дэргэд салбар хороогоо байгуулсан бөгөөд  цаашид гаднын хөрөнгө оруулалттай томоохон орд газруудад хороо байгуулах ажлыг тууштай зохион байгуулна гэдгээ МҮЭ-ийн ерөнхийлөгч С.Ганбаатар өнөөдөр сэтгүүлчдэд мэдээлэл хийхдээ мэдэгдэв.

Шалгалтынхан Оюу толгойд хоёр хоног саатжээ. Улмаар ирэх оны наймдугаар сард барилгын ажил дуусч, үйлдвэрлэл эхлэхэд ажилчдын 80-90 хувийг монголчууд байлгахаар тохиролцсон байна. Мөн уг тоог нарийвчлах талаар ч хэлэлцжээ. Тухайлбал, яг хэдэн хүн ямар ажилд, хэдэн төгрөгийн цалинтайгаар, хэдий хугацаанд ажиллахыг ярилцах аж. Талууд тохиролцоогоо аравдугаар сарын дөрвөнд албан ёсоор үзэглэхээр болжээ. Үүнээс гадна С.Ганбаатар Оюу толгойн ажилчдын хөдөлмөрийн нөхцөл сайн байгааг онцлов.

Оюутолгойд өнөөдрийн байдлаар монгол ажилчдын дундаж цалин 1.4 сая төгрөг байгаа бол гаднын ажилчид үүнээс 7-10 дахин их цалин авч байгаа аж. Энэ харьцааг тэнцвэржүүлэх үүднээс олон улсын хөдөлмөрийн 100 дугаар конвенцийн биелэлтийг шинэ шатанд гаргаж, Оюу толгойд хэрэгжүүлье гэдэг саналыг шалгалтынхан гаргажээ. Ингэснээр монгол ажилчид гадаадын ажилчидтай ижил цалин авах гэнэ. Уг асуудлыг мөн ойрын хугацаанд шийдвэрлэхээр болжээ.

Хүний эрхийн үндэсний комисс, Монголын үйлдвэрчний эвлэлээс зарим төрийн бус байгууллагатай хамтарсан шалгалтыг Өмнөговийн томоохон орд газруудад хийжээ. Шалгалтад “Бага таван толгой”, “Энержи ресурс”, “Баруун цанхи”, “Эрдэнэс МГЛ” болон нүүрсний уурхайнууд хамрагдсан байна. Шалгалтын үеэр МҮЭ “Эрдэнэс МГЛ” компанийн дэргэд салбар хороогоо байгуулсан бөгөөд  цаашид гаднын хөрөнгө оруулалттай томоохон орд газруудад хороо байгуулах ажлыг тууштай зохион байгуулна гэдгээ МҮЭ-ийн ерөнхийлөгч С.Ганбаатар өнөөдөр сэтгүүлчдэд мэдээлэл хийхдээ мэдэгдэв.

Шалгалтынхан Оюу толгойд хоёр хоног саатжээ. Улмаар ирэх оны наймдугаар сард барилгын ажил дуусч, үйлдвэрлэл эхлэхэд ажилчдын 80-90 хувийг монголчууд байлгахаар тохиролцсон байна. Мөн уг тоог нарийвчлах талаар ч хэлэлцжээ. Тухайлбал, яг хэдэн хүн ямар ажилд, хэдэн төгрөгийн цалинтайгаар, хэдий хугацаанд ажиллахыг ярилцах аж. Талууд тохиролцоогоо аравдугаар сарын дөрвөнд албан ёсоор үзэглэхээр болжээ. Үүнээс гадна С.Ганбаатар Оюу толгойн ажилчдын хөдөлмөрийн нөхцөл сайн байгааг онцлов.

Оюутолгойд өнөөдрийн байдлаар монгол ажилчдын дундаж цалин 1.4 сая төгрөг байгаа бол гаднын ажилчид үүнээс 7-10 дахин их цалин авч байгаа аж. Энэ харьцааг тэнцвэржүүлэх үүднээс олон улсын хөдөлмөрийн 100 дугаар конвенцийн биелэлтийг шинэ шатанд гаргаж, Оюу толгойд хэрэгжүүлье гэдэг саналыг шалгалтынхан гаргажээ. Ингэснээр монгол ажилчид гадаадын ажилчидтай ижил цалин авах гэнэ. Уг асуудлыг мөн ойрын хугацаанд шийдвэрлэхээр болжээ.