УИХ-ын чуулганаар Хөгжлийн бодлого, төлөвлөлт, түүний удирдлагын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцэж байна.

Ц.Цогзолмаа: Төрийн бодлогын залгамж чанар гэдэг их чухал болсон. Дөрвөн жилийн хугацаатай богино бодлогоор явах нь ээдрээтэй нөхцөл байдлыг үүсгэдэг. Дэлхийн улс орнууд хөгжлийн конвевцийг технологитой холбон ярьж байна. Тиймээс энэ чиглэдд хүнийхээ нөөцийг бэлтгэх асуудал энэ бичиг баримтын салшгүй үзэл баримтлал байгаасай гэж хүсч байна.

Б.Баттөмөр: Өнөөдрийн хүртэл Монгол Улсын эдийн засгийн загвар уламжлалт. Сүүлийн үед шинэ эдийн засгийн чиглэл гарч ирж байна. Ийм бодлогыг л баримтлах ёстой. Тиймээс дэлхий нийтэд барьж байгаа шинэ технологийг хуулийн дагуу хийх ёстой.

Д.Тэрбишдагва: Ардчидлал зах зээлд ороод бид төлөвлөлт гэдэг үгнээс их зугтаадаг байсан. Энэ үгийг хэлэх л м бол чи бол коммунист гэдэг байсан. 1990 оноос хойш чөлөөт зах зээл у ч хийж болно гэдэг зарчмаар явсан. Энэ үеэс хойш 10 гаруй байгууллага төлөвлөлтийг зохицуулж иржээ. Энэ талаар Үндсэн хууль дээр эхлээд зааж өгье. Үүнд тулгуурлаад төлөвлөлт, хөгжлийг зохицуулж өгье гэж зааж өгсөн хууль. Шадар сайд хөгжил бодлогынхоо асуудлыг төлөвлье. Төлөвлөөгүй бол иж бүрнээр зохицуулъя гэж. Бид социализмыг муулаад л байдаг. Гэхдээ ийм салбар манайд их хөгжинө. Энэ чиглэлээр хүнээ тэнд сургая гэж ярьдаг байсан. Хамгийн гол нь хүний хөгжил их чухал байна. Агентлагийн дарга нар хөгжлийн бодлогыг зохицуулах нь буруу гэж үзэж байна.

С.Бямбацогт: Төслийн 7.2-д Д.Тэрбишдагва гишүүний асуудал тусгагдсан байгаа. Босоо тогтолцоо, хоорондоо уялдаатай болгосон. Хөгжлийн бодлого төлөвлөлт үндэсний язгуур эрх ашигт нийцсэн байх, ил тод нээлттэй байх, залгамж халаатай байх, шалгуур үзүүлэлт зорилготой байх, бүх талын оролцоог хангасан байх, оролцогчлын хариуцлагын зарчим зэрэг 15 зарим дээр тулгуурлана. Энэ хуулийг биелүүлээгүй бол эрх бүхий албан тушаалтнуудад хүлээлгэх хариуцлагыг ч зааж өгсөн.

Б.Баттөмөр: Өнгөрсөн 30 жилийн хугацаанд гаргасан том алдаа бол зах зээлийн зарчмаар явна гээд бодлогын асуудлаа хаяад ирсэн. Хуулийн концевци нь ямар нэгэн хуулийн нэмэлт, өөрчлөлт биш шинэ бодлого, зохицуулалт. Хэлэлцүүлгийн явц дунд засаж залруулах зүйл гарах байх. Тиймээс ярилцаад засаад явах нь зүйтэй гэж үзэж байна.

Б.Лхам