Хүйтний улирал эхэлж байгаа тул утаа бага гаргадаг зуух авахаар сурагласан, авахаар хөөцөлдөж буй хүн цөөнгүй байна. Гэсэн ч “Цэвэр агаар” төслийн тухай мэдээлэл багатайгаас болж шинэ технологийн зуухыг тойрсон асуултууд ар араасаа цуварсаар. Тогоо тавьж болдоггүй, хэрэггүй олон яндантай гэх зэргээр өөчилж, гоочилсон зүйлүүд ч байна. Эдгээрээс иргэдийн сонирхлыг хамгийн их татаж байгаа нь цахилгааны үнийг хөнгөлөх асуудал юм. Шинэ зуух авбал гэрэл цахилгааны мөнгийг хямдруулна гэсэн сургаар зуух авсан айл ч байна. Тиймээс бага үнээр гэрэл цахилгаанаа авах гэсэн хүлээлт үүсчээ. Тэгвэл есдүгээр сарын 21-нд Эрчим хүчний зохицуулах газраас тогтоол гаргаж Улаанбаатар хотын агаарын бохирдлыг бууруулахад хувь нэмрээ оруулж буй айл өрхийн цахилгааны төлбөрийг 50 хувиар бууруулахаар болжээ. Энэ ажил 10 дугаар сарын нэгнээс хэрэгжиж эхлэх бөгөөд зөвхөн шинэ зуух, яндан авсан гэлтгүй шахмал болон коксжон түлш хэрэглэж байгаа, стандарт шаардлага хангасан дулаалгатай гэр, амины орон сууцтай бол дээрхи хөнгөлөлтийг эдлэх юм. Мөн Нийслэлийн агаарын бохирдлыг бууруулах тухай хуулинд тусгагдсан дараахь өрхүүд хямдралтай үнээр гэрэл цахилгаан хэрэглэж болох юм байна. Үүнд:
-цахилгаан дамжуулах, түгээх шугам сүлжээнд холбогдож цахилгаан халаагуур хэрэглэж байгаа;
-бүх төрлийн хийн түлшээр ажилладаг халаалттай;
-газрын гүний дулаан, нар, салхины болон бусад сэргээгдэх эрчим хүчийг ашиглаж байгаа;
-байгаль орчинд ээлтэй эрчим хүчний хэмнэлттэй байшин, амины орон сууцтай;
-түлш хэмнэх замаар хүлэмжийн хийн ялгарлыг багасгаж, энэ чиглэлийн дотоод, гадаадын хөнгөлөлттэй зээл, тусламж, төсөл, хөтөлбөрт хамрагдаж байгаа өрхүүд багтана. Хэрэв танай гэр бүл цахилгаан халаагуур хэрэглэж байгаа бол эрчим хүчээр хангагч байгууллагаас тодорхойлолт авах бөгөөд зуух авсан, шахмал болон коксон түлш хэрэглэдэг бол хорооны ажилтанд хандах хэрэгтэй. Үүнээс гадна дээр дурдсан зээл, тусламж,төсөл, хөтөлбөрт хамрагддаг бол Нийслэлийн агаарын чанарын албанд хүсэлтээ гаргах нь. Харин бусад тохиолдолд Нийслэлийн мэргэжлийн хяналтын алба хянаж тодорхойлолт гаргаж өгөх юм байна.
Засгийн газраас олгож буй энэ хөнгөлөлтийг хүйтний улиралд буюу 10 дугаар сарын нэгнээс дөрөвдүгээр сарын нэгэн хүртэлх хугацаанд олгоно. Хэрэв та шаардлага хангаад гэрээгээ байгуулвал энэ хугацаанд шөнийн тарифийг оройн 18 цагаас өглөөний 09 цаг хүртэл сунгаж, хэрэглэсэн цахилгааны үнийг хөнгөлөх аж. Мэдээж танайх утааны бүслэлд ордог бол шүү дээ. Харин нэг зүйлийг анхааруулахад ингэж хямд үнээр авч буй цахилгааны сарын хэрэглээний хязгаарыг 3600 квт-аар тогтоосон байна. Энэ нь төрөөс өгч байгаа татаасыг тодорхой хэмжээнд барих, иргэд цахилгаан хэмнэж сурахад нөлөөлөх гэсэн санаа гэж албаны хүн хэлсэн юм.
Хүйтний улирал эхэлж байгаа тул утаа бага гаргадаг зуух авахаар сурагласан, авахаар хөөцөлдөж буй хүн цөөнгүй байна. Гэсэн ч “Цэвэр агаар” төслийн тухай мэдээлэл багатайгаас болж шинэ технологийн зуухыг тойрсон асуултууд ар араасаа цуварсаар. Тогоо тавьж болдоггүй, хэрэггүй олон яндантай гэх зэргээр өөчилж, гоочилсон зүйлүүд ч байна. Эдгээрээс иргэдийн сонирхлыг хамгийн их татаж байгаа нь цахилгааны үнийг хөнгөлөх асуудал юм. Шинэ зуух авбал гэрэл цахилгааны мөнгийг хямдруулна гэсэн сургаар зуух авсан айл ч байна. Тиймээс бага үнээр гэрэл цахилгаанаа авах гэсэн хүлээлт үүсчээ. Тэгвэл есдүгээр сарын 21-нд Эрчим хүчний зохицуулах газраас тогтоол гаргаж Улаанбаатар хотын агаарын бохирдлыг бууруулахад хувь нэмрээ оруулж буй айл өрхийн цахилгааны төлбөрийг 50 хувиар бууруулахаар болжээ. Энэ ажил 10 дугаар сарын нэгнээс хэрэгжиж эхлэх бөгөөд зөвхөн шинэ зуух, яндан авсан гэлтгүй шахмал болон коксжон түлш хэрэглэж байгаа, стандарт шаардлага хангасан дулаалгатай гэр, амины орон сууцтай бол дээрхи хөнгөлөлтийг эдлэх юм. Мөн Нийслэлийн агаарын бохирдлыг бууруулах тухай хуулинд тусгагдсан дараахь өрхүүд хямдралтай үнээр гэрэл цахилгаан хэрэглэж болох юм байна. Үүнд:
-цахилгаан дамжуулах, түгээх шугам сүлжээнд холбогдож цахилгаан халаагуур хэрэглэж байгаа;
-бүх төрлийн хийн түлшээр ажилладаг халаалттай;
-газрын гүний дулаан, нар, салхины болон бусад сэргээгдэх эрчим хүчийг ашиглаж байгаа;
-байгаль орчинд ээлтэй эрчим хүчний хэмнэлттэй байшин, амины орон сууцтай;
-түлш хэмнэх замаар хүлэмжийн хийн ялгарлыг багасгаж, энэ чиглэлийн дотоод, гадаадын хөнгөлөлттэй зээл, тусламж, төсөл, хөтөлбөрт хамрагдаж байгаа өрхүүд багтана. Хэрэв танай гэр бүл цахилгаан халаагуур хэрэглэж байгаа бол эрчим хүчээр хангагч байгууллагаас тодорхойлолт авах бөгөөд зуух авсан, шахмал болон коксон түлш хэрэглэдэг бол хорооны ажилтанд хандах хэрэгтэй. Үүнээс гадна дээр дурдсан зээл, тусламж,төсөл, хөтөлбөрт хамрагддаг бол Нийслэлийн агаарын чанарын албанд хүсэлтээ гаргах нь. Харин бусад тохиолдолд Нийслэлийн мэргэжлийн хяналтын алба хянаж тодорхойлолт гаргаж өгөх юм байна.
Засгийн газраас олгож буй энэ хөнгөлөлтийг хүйтний улиралд буюу 10 дугаар сарын нэгнээс дөрөвдүгээр сарын нэгэн хүртэлх хугацаанд олгоно. Хэрэв та шаардлага хангаад гэрээгээ байгуулвал энэ хугацаанд шөнийн тарифийг оройн 18 цагаас өглөөний 09 цаг хүртэл сунгаж, хэрэглэсэн цахилгааны үнийг хөнгөлөх аж. Мэдээж танайх утааны бүслэлд ордог бол шүү дээ. Харин нэг зүйлийг анхааруулахад ингэж хямд үнээр авч буй цахилгааны сарын хэрэглээний хязгаарыг 3600 квт-аар тогтоосон байна. Энэ нь төрөөс өгч байгаа татаасыг тодорхой хэмжээнд барих, иргэд цахилгаан хэмнэж сурахад нөлөөлөх гэсэн санаа гэж албаны хүн хэлсэн юм.
