Засгийн газрын хуралдаанаар хэлэлцэж, шийдвэрлэсэн асуудлын талаар Хууль зүйн сайд Х.Нямбаатар дөнгөж сая мэдээлэл өглөө. Тэрбээр "Зорчих эрхийг хягаарлах ялыг хэрэгжүүлэх тогтоолыг баталсан. Одоогийн хуульд 197 заалтад зорчих эрхийг хязгаарлах ялыг оногдуулахаар заасан байдаг.

Нэгдүгээрт, цахим гав бугуйвчийг хөлдөө зүүснээр оршин суугаа газраасаа гарахгүй байх хязгаарлалтад орж болно.

Хоёрдугаарт, тодорхой хэсэг газарт зорчих маршрутыг баталж болно.

Гуравдугаарт, тодорхой нэг хүнтэй уулзахгүй байх хязгаарлалтыг тогтоож болно гэсэн заалттай энэхүү хуулийг 2015 онд баталсан. Хуулийг 2021 оны нэгдүгээр сарын 1-нээс хэрэгжүүлэх нь зүйтэй гэсэн Засгийн газрын шийдвэр гарсан гэв.

Зорчих эрхийг хязгаарлах ялыг хэрэгжүүлснээр тухайн хүн гэр бүлтэйгээ байж, тодорхой ажил хөдөлмөр эрхэлж болох аж. Энэ төрлийн ялыг анх удаа хөнгөн гэмт хэрэг үйлдсэн.

Мөн болгоомжгүйгээсээ болж анх удаа хэрэг хийсэн хүнд оногдуулахаар хуульд заасан байна. Мэдээж хүнд гэмт хэрэгтнүүдэд энэ төрлийн ялыг оноохгүй. Цаашлаад Улаанбаатар хотод мэдээллийн хяналтын төв ажиллах бөгөөд анхны тооцооллоор, 2021 онд 1080 орчим хүнд энэ төрлийн ял оногдуулах статистик тоо гарчээ. Мөн цахим гав нь повер банктай.

I-watch-тай адил загвартай ба дотроо ган металл оосортой тул таслах боломжгүй. Ямар нэг байдлаар эвдэлж, тогтсон маршрутаас гарсан тохиолдолд хорих ялаар шийтгэх юм байна.

Өмнө нь дээрх төрлийн ялтай хүмүүст хорих ял оноодог байсан. Эдгээр хүний зардалтай харьцуулбал 60 хувьтай нь л тэнцэнэ. Ингэснээр улсын төсөвт 3 орчим тэрбум төгрөгийн хэмнэлт хийнэ гэдгийг Хууль зүйн сайд мэдээллээ.

У.Гэрэл