Олон улсын боксын холбоо /IBA/-ноос зохион байгуулж буй сонирхогчдын боксын Дэлхийн аварга шалгаруулах тэмцээн өнөөдөр Арабын нэгдсэн Эмират улсын Дубай хотод нээлтээ хийлээ. Тэмцээн энэ сарын 13-ны өдрийг хүртэл үргэлжилнэ. 

Уг тэмцээнд Олон улсын боксын холбооны нэг одтой дасгалжуулагч Х.Хайнарын удирдлага дор МУГТ Э.Цэндбаатар тэргүүтэй манай улсын зургаан боксчин оролцож байна. Тодруулбал,

1. 54 кг-ын жинд ОУХМ Г.Ган-Эрдэнэ
2. 57 кг-ын жинд ОУХМ Х.Энх-Амар
3. 60 кг-ын жинд МУГТ Э.Цэндбаатар
4. 63,5 кг-ын жинд Спортын мастер А.Даваадалай
5. 67 кг-ын жинд ОУХМ А.Жандос
6. +92 кг-ын жинд ОУХМ Х.Бекнур

"Дубай 2025" ДАШТ-ы шагналын сан өндөр аж. Алтан медаль 300 мянган ам.доллар, мөнгөн медаль 150 мянган ам.доллар, хүрэл медаль 75 мянган ам.доллар тус тус дагалдана. Түүнчлэн тэмцээний шагналт тавдугаар байрт орсон тамирчин 10 мянган ам.долларын шагнал гардах ажээ. 

Л.Баяр