Он гараад дөрөв хоноход гол, нуурын мөс цөмөрсөн гурван удаагийн дуудлага ирж, Онцгой байдлын байгууллагын алба хаагчид иргэдийн аюулгүй байдлыг ханган ажиллажээ. Мөн Цаг уурын байгуулллагын ирүүлсэн мэдээллээр нэгдүгээр сарын эхний арав хоногийн байдлаар манай орны ихэнх гол мөрөн битүү мөсөн бүрхүүлтэй болсон хэдий ч олон жилийн дундаж болон 2020 оны мөн үеийнхээс 10-50 см нимгэн, гол мөрний нийт уртын дагууд мөсний зузаан харилцан адилгүй байгаа юм. Иймд цаг хожих, зам товлох зэргээр мөсөн дээгүүр явах болон авто тээвэр хийхгүй байхыг онцгойлон анхааруулж байна.