Ханхүү Уильямын поло тоглодог тэрбумтан найз нь тэмцээний дундуур зөгий залгиж, зүрхний шигдээсээр нас баржээ.
Түүнийг поло тоглож байхад зөгий аманд нь орж хатган, улмаар зүрх нь зогсоход хүргэсэн анафилаксийн шок үүсгэсэн байж болзошгүй гэж эмч нар мэдээлсэн байна.
Энэтхэгийн нэрт тэрбумтан, дэлхийн автомашины эд анги үйлдвэрлэгч "Sona Comstar" компанийн тэргүүн, 53 настай Сунжай Капур пүрэв гарагт Англид поло тоглож байгаад ухаан алдсан байна. Их Британид боловсрол эзэмшсэн бизнесмэн тэрээр нас барахаасаа хэдхэн цагийн өмнө "Air India" компанийн эмгэнэлт явдлын үеэр амь үрэгдэгсдэд хүндэтгэл үзүүлээд байв.
Тэрээр сүүлчийн нийтлэлдээ, Ахмедабад хотод болсон эмгэнэлт "Air India" онгоцны ослын тухай аймшигт мэдээ гарлаа. Миний бодол санаа, залбирал хохирогчдын гэр бүлийнхэнтэй хамт байна. Тэд энэ хүнд хэцүү цагт хүчээ олох болтугай" гэж бичжээ.
Капур нас барахаасаа өмнө поло спортод дуртай гэдгээрээ алдартай байв. Тэрээр нэгэн цагт Болливудын од Карисма Капуртай гэрлэж байсан ч гэрлэлт нь хэрүүл маргаанаар төгссөн гэдэг.
Л.Баяр
