Украины Харьков хотод энэ сарын 24-нөөс эхлэн 22.00-06.00 цагуудад хөл хорио тогтоогоод байсныг өчигдрөөс  18.00-06.00 цаг болгон уртасгаад байв. Дайны халуун цэг болоод байсан энэ хотод Монголын 18 оюутан эх орон руугаа ирэх хүсэлт өгсөн ч амжиж гарч чадалгүй метроны буудалд хоргодож байсан нь сэтгэл түгшээсэн мэдээллийн нэг байлаа. Гадаад харилцааны яамнаас Харьков хотод байгаа монголчуудаа аюулгүй бүс рүү шилжүүлэх, улмааар эх орон руугаа татаж авах боломжийг эрэхлхийлж байна гэсэн мэдээлэл өгөөд байлаа. Тэгвэл Харьков хотод байсан 18 оюутны долоо нь тус хотод оршин суудаг Монгол аавтай украин иргэн эмэгтэйн хамт Львов хот руу өнөөдөр орон нутгийн цагаар 13.30 цагт галт тэргээр хөдөлсөн гэдгийг мэдээллээ. Үлдсэн 11 эрэгтэй оюутан мөн орон нутгийн цагаар 15.30 цагт Львовын галт тэргэнд амжиж суужээ. 11 оюутантай хамт  Монголын иргэн Тэгш-Очир эхнэр, хоёр хүүхдийн хамт суусан байна. Тэднийг Львовоос Польш улс руу, улмаар Монгол руу авчрахаар Гадаад харилцааны яам, Варшав дахь Элчин сайдын яамныхан ажиллаж байна.

А.Болдбаатар