Эрээн боомтын асуудлаар Гадаад харилцааны яамнаас мэдээлэл хийлээ. Энэ талаар Хилийн хэлтсийн дарга Д.Болд мэдээлэл өглөө.

Тэрбээр “Зургаадугаар сарын 2-нд Эрээн хотод короновирусын халдвар бүртгэгдсэн. Үүнээс хойш өдөрт 80 гаруй чингэлэгээс 10-15 хөргүүртэй чингэлгээр нарийн ногоо , жимсийг импортлож байна.  

Хятадын талаас манай хүсэлтийг хүлээн авч Эрээн-Хавкан жимс, нарийн ногооны терминалаас ачилт хийж эхэлснээр нарийн ногоо тээвэрлэсэн эхний 15 вагон энэ сарын 11-нд орж ирсэн. Цаашдаа уг боомтын үйл ажиллагааг тогтворжино гэсэн найдлага тавиад ажиллаж байна. Өнөөдрийн байдлаар Эрээн хотод 456 тохиолдолд бүртгэгдсэн тухай Эрээн хотын Шуурхай штаб мэдээлсэн.  Сүүлийн гурван хоног шинээр голомт үүсээгүй учир Эрээн хотын цар тахалын нөхцөл байдал хумигдаж байна гэж харж байна.  

Эрээнд хатуу хөл хорионы дэглэм үйлчилж байгаа тул нарийн ногоо, жимсийг Бээжин, Шандунаас ачигдаад Эрээн хотын Хавкан хүнсний ногооны терминалд буугаад сэлгэн ачилтыг хийгээд хөргүүртэй чингэлгээр манай улсад импортолдог. Нарийн ногооны Монгол Улсын импорт, Хятадын экспортыг зогсоохгүй байх талаар Эрээнд суугаа Консулын Газраас Эрээн хотын Ардын Засгийн Ордон, ковидын Шуурхай Штабтай байнгын холбоотой ажилласан" гэв.

Д.Батчулуун