“Бичил биетний тэсвэржилтийн талаарх мэдлэг, хандлагыг дээшлүүлэх дэлхийн 7 хоног” аян эхэлж буй талаар Мал эмнэлгийн ерөнхий газраас мэдээлэл өглөө. Энэ үеэр Мал эмнэлгийн ерөнхий газрын Мал амьтны эрүүл мэндийн газрын дарга Т.Тунгалаг мэдээлэл өглөө.

Тэрбээр "Малын махны тодорхой хэсэг газарт буглаа үүссэн нь бохир зүү хэрэглэж, малын эмчийн зааваргүйгээр өөрсдийн дураар эм бэлдмэл тарьсан тохиолдолд малын биед шимэгдэхгүй идээ буглаа үүссэн гэсэн үг.

Хэлж ярихгүй л болохоос биш мал ч гэсэн хүнтэй адилхан. Хүнд ч гэсэн бохир зүүгээр тариа хийвэл тарьсан газар нь идээ буглаа үүснэ.

Мөн малчид өөрсдөө малдаа дур мэдэн тариа хийдэг явдлыг болиулах гээд байгаа юм. Хэдийгээр тухайн хүний хувийн өмч ч гэсэн үйлдвэрлэгч, нийтэд хүнс бэлтгэн нийлүүлдэг хүмүүс шүү дээ. Тиймээс мал эмнэлгийн байгууллагын заавар зөвлөмжийг дагаж, малдаа хэрэглэж байгаа эм бэлдмэл, ялангуяа бичил биетний тэсвэржилт үүсгэх эм бэлдмэлийг дур мэдэн хэрэглэж болохгүй. Мэргэжлийн хүний заавар зөвлөмжийг зайлшгүй авах шаардлагатай” гэв. 

Д.Батчулуун